ئەم پەڕتووکە، بریتییە لە فەرهەنگێکی (کوردی- عەرەبی) لەلایەن زانای ئایینی (#شێخ مارفی نۆدێ#یی) یەوە لە سەدەی نۆزدەدا دانراوە. مەبەست لە دانانی فەرهەنگەکە فێربوونی #کاک ئەحمەدی شێخ#ی کوڕیەتی بە زمانی عەرەبیی و هەر لەبەر ئەمەشە ناوی (ئەحمەدی) لێ ناوە.
فەرهەنگی ئەحمەدی بریتییە لە بەرانبەردانانی سەدان وشەی کوردی بە عەرەبیی و بەشێوەی هۆنراوە و لەسەر کێشی عەرووزی عەرەبی داڕێژراوە و بەم دێڕە دەست پێدەکات:
(ڕاس) سەرە، (عین) چاوە
(بدن) لاشە، (اسم) ناوە
بە زمانێکی سادە و ڕەوان و لە دووبەش (ناو و کار) دا ڕێکخراوە و تا ئێستا چەند چاپێکی لێ دەرچووە. دواجار لەلایەن (عەبدولڕەحیمی مەحموودیی)یەوە کاری وێنەکێشان و ڕاستکردنەوە بۆ زۆبەی وشەکانی ئەم فەرهەنگە کراوە. [1]