نووسینی: #هاوژین مەلا ئەمین#
ئیبن ڕوشد وەک ئەوەی کە هەموو توێژینەوەکان دەربارەی ئەو دووپاتی دەکەنەوە، خاوەنی ڕێبازێکی عەقڵانی و باوەڕدار بووە بە توانای عەقڵ و لۆژیک و پابەندبوون بە بەرەنجامەکانیانەوە، ئەو خاوەنی عەقڵێکی بورهانیی ئارگومێنتساز و دژ بە سەفسەتە و تەنانەت بۆچوونی گرفتئامێزی عەقڵی بووە و هەر ئەمەشە یەک لە سەرچاوەکانی ناکۆکیی ئەو لەگەڵ غەزالیدا کە بە سەفسەتەگۆیی و میزۆسۆفیزم (دژایەتیی فەلسەفە) تۆمەتباری دەکات و هەر لێرەشەوە بانگەوازی قەدەغەکردنی تێز و بۆچوونە کەلامییە ئیشکالییەکان دەکات و باوەڕی وایە کە ناکۆکیی کەلامی و ئایینی زیانی گەورە بە ئاشتەوایی و ئاسایشی کۆمەڵایەتی دەگەیەنن. [1]