یەکێکە لەو فڕۆکەوانانەی کە لە ساڵی 1988 #هەڵەبجە#ی بۆمبارانکرد، نێوبراو لەلایەن ئاساییشی #سلێمانی#یەوە گیرا و پاشان بەشێوەیەکی نهێنی ئازادکرا. ئەم تاوانبارە یەکێک بوو لە داواکراوانی دادگای تاوانی باڵا لە بەغدا بۆ کەیسی هەڵەبجە. ئازادکردنی ئەم تاوانبارە مشتومڕێکی زۆری لەناو میدیا کوردی و جیهانییەکاندا لەسەر درووستبوو.[1]
تاریق ڕەمەزان کە فڕۆکەوانی کیمیایی بارانکردنی هەڵەبجە بوو لە #03-02-2005# لەلایەن #ئاساییشی سلێمانی#ەوە دەستگیرکرا، بەڵام دوای ماوەیەکی کەم مانەوە لە ئاساییشی سلێمانی بە فەرمانی #مام جەلال# سکرتێری گشتی #یەکێتیی نیشتمانیی کوردستان# ئازادکرا.
هەرچەندە ئاساییشی سلێمانی ڕایگەیاند کە لەکاتی بردنی بۆ نەخۆشخانە هەڵهاتووە، بەڵام بە پێی وێنەیەک کە دواتر بڵاو بۆتەوە، تاوانبارەکە پێش ئازاد بوونی لەگەڵ بەرپرسانی ئاساییشی سلێمانی وێنەی یادگاری گرتبوو.[2]