- یوکسەل موتلو هاوسەرۆکی شاروانی ناوچەی ئاکدەنیز و سەعدون دۆغان هاوسەرۆکی هەدەپەی شاری مێرسین ئەمڕۆ لەلایەن هێزە ئەمنییەکانی‌ تورکیاوە دەستگیرکران، بە بڕیاری دادگای شاری مێرسینی تورکیا.
- ئایجان ئازما و عەلی بالین، هاوسەرۆکانی پارتی دیموکراتی گەلانی شارۆچکەی سلۆپی، بە بڕیاری دادگا دەستگیرکران.
- هێزەکانی سوریای دیموکرات (یەپەگە هێزی سەرەکییەتی) ڕایگەیاند، شەڕڤانانی ئۆپەراسیۆنی توڕەیی فورات گوندی جەعبەری ڕۆژهەڵاتیان لە دەستی داعش ڕزگار کردووه و و بەره و گوندی جەعبەری ڕۆژئاوا پێشرەوی دەکەن.
- سێ برا بەناوەکانی (مەزهەر، ڕەفعەت، عوسمان فارس) لە گوندی قیروانی درباسیێی ڕۆژئاوای کوردستان لەسەر سنووری نێوان ڕۆژئاوا و باکووری کوردستان، لەلایەن هێزە ئەمنییەکانی تورکیا دەستڕێژیان لێکرا و بەوهۆیەوە گیانیان لەدەستدا.