ئەسپ و ئێستر لەقە لەیەک نادەن.
پێکهاتەی درووست بوونی ئێستر وایە کە دایکی ماینە و باوکی گوێدرێژە، واتە: ماین و کوێدرێژ جووت بوون، ئێستر بەرهەم هاتووە، بە دوو کەس تەبا دەڵێن کە خزمایەتی بزانن و ڕێز لە دابوونەریتی کۆمەڵگە بگرن، کێشەی نێوانیان چارەسەر بکەن و نەچن بەگژیەکدا. [1]
هاوشێوەی ئەو ئیدیۆمە وتراوە: وڵاش زاوا، هەمزاوا، هەڤلینگ، قوونیان بۆ لای یەکتری دەخورێت، ئەسپ و ئێستر ئەگەر چی کرمۆسۆمیان گۆڕاوە، بەڵام باوک و کوڕن، یەک خوێن لە دەمارەکانیاندا هەیە، یەک کار و ئەرکیان پێ ئەنجام دەدرێت، ئەوە بووە بە ئیدیۆم و بۆ هاوتەریبی و خوو و ڕەوشتی وەکوو یەک و دڵسۆزی بۆ یەکتری دوو کەسی لە یەکترییەوە نزیک دەوترێت: ئەسپ وئێستر لەقە لەیەک نادەن، واتە: زیان بە بەرژەوەندییەکانی یەکترییەوە نادەن. [2]