لە پارێزگای هەڵەبجەی شەهید #فێرگەی بالەی بامۆک# بۆ یارییەکانی تۆپی بالە کراوەتەوە و چەندین یاریزان لە ئاستەکانی جیاواز بەشدارن لە فێرگەکە بە ئامانجی سوود بینین لەم فێرگەیە، بەرپرسانی فێرگەکەش ئامانجیان درووستکردنی یاریزانە بۆ شارەکەیان بۆ داهاتوو بۆ ئەوەی بتوانن گرنگیدان بە یارییەکانی بالە لەم دەڤەرە بەردەوام بێت، لە بارەی درووستکردنی یاری بالە لەم فێرگەیەش مامۆستا #شادیە عەلی# یەکێک لە یاریزانە کۆنەکانی شاری #هەڵەبجە# بۆ گۆڤاری گوڵان وتی: ئامانجمان ئەوەیە بتوانین وەرزشی کچان بەرەووپێش ببەین لە شارەکەمان، لەبارەی هاوکاری کردنی تیپەکەش وتیشی وەکوو مادی هیچ کەس هاوکاری نەکردووین تەنیا لە ڕووی مەعنەوی هاوکاری کراوین، بە گشتی کاری ئێمە بەرەوپێشبردنی وەرزشی بالەی کچان و بە ئەکادیمیاکردنی یاری وەرزشی بالەی کچان لە ڕووی تەکنیک و مەهارە و پێشکەش کردنی کۆمەڵێک یاریزان لە ڕووی پەروەردەی وەرزشییەوە بۆ ئەوەی داهاتوویەکی باشیان هەبێت بۆ خۆیان و کۆمەڵگە، وە بوونیادنانی تەندرووستییەکی باش بۆ کچان و دوورکەوتنەوەی کچان لە هەندێک کاری بێ کەڵک و بردنیان بەرەوو کەشێکی ئارام و چێژبەخش، یاریزانانی ئێمەش پاشەڕۆژێکی باش چاوەڕوانیان دەکات و ئێمەش بەردەوامین لە گرنگیدان بەم فێرگەیە بۆ ئەوەی بتوانین لە داهاتوو زۆرترین یاریزانی بەتوانا درووست بکەین.
[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە 190 جار بینراوە
ڕای خۆت دەربارەی ئەم بابەتە بنووسە!