- حکومەتی هەرێمی کوردستان لەڕێگەی سەرۆکی لیژنەی هەڵسەنگاندن و بەدواداچوونی ڕاپۆرتە نێودەوڵەتییەکان وەڵامی ڕاپۆرتی ساڵانەی ڕێکخراوی لێبوردنی نێودەوڵەتی دەداتەوە کە تیایدا ئەوە باسکردووە، لە کوردستان ڕێگری ئازادیی کاری میدیا هەیە و دەزگا ئەمنیەکانیش مامەڵەی خراپ لەگەڵ ڕۆژنامەنوسان دەکەن.[1]
- بە هەوڵی بەرێوەبەرایەتی ڕزگارکردنی ڕفێندراوانی دەستی داعش لە پارێزگای دهۆک، شەوی ڕابردوو کچێکی کوردی ئێزدی تەمەن شەش ساڵان بەناوی هانزاد لە دەستی چەکدارانی داعش ڕزگارکرا.[1]
- بەڕێوەبەرایەتی ئاسایشی هەولێر دەستگیرکردنی بکوژانی #مەلا مەحمود#ی ڕاگەیاند، کە کۆتایی مانگی ڕابردوو لەبەردەم ماڵەکەی خۆیدا بەگولە کوژرا.[2]
- شەوی ڕابردوو، جارێکی دیکە لەلایەن فڕۆکە شەڕکەرەکانی تورکیا، بۆردومانی بناری #قەندیل# و چیای #کورتەک# کرایەوە و بەهۆیەوە نزیکەی 30 گوند بێ کارەبا مانەوە.[3]