ناو: هۆگر
ناوی باوک: کاکەخان
$ژیاننامە$
ناوی تەواوی(هۆگر کاکەخان عەوڵلا ڕەسوڵ مەلاک)ە، لەساڵی(1980) لەگەڕەکی(موفتی) شاری #هەولێر# لە دایکبووە، قۆناغی خوێندنی بنەڕەتی لە قوتابخانەی(گوڵستان) لە گەڕەکی(ئەندازیاران) و قوتابخانەی ناوەندی(ڕۆناکی کوڕان) و خوێندنی ئامادەیی لە(ئامادەیی ڕزگاری کوڕان) هەر لە شاری هەولێر تەواو کردووە.
لەساڵی خوێندنی(2000-2001) پەیمانگای تەکنەلۆجی هەولێر بەشی(ڕێگاوبان) تەواو دەکات و هەر له و ساڵەدا(2001) وەکو فەرمانبەر بە پیشەی(ڕووپێو) لە وەزارەتی شارەوانی دادەمەزرێت، لەگەڵ کارەکەی درێژە بەخوێندنی یاسا دەدات لە کۆلێژی یاسای زانکۆی سەلاحەدین و ساڵی(2012) ئه و بەشە تەواو دەکات و ناونیشانەکەی لە(ڕووپێو)ەوە دەگۆڕێت بۆ(یاسایی) لە بەشی یاسایی بەڕێوەبەرایەتی گشتی شارەوانییەکانی هەولێر.
لەبەر ئەوەی کوڕێکی دیندار و ئایینپەروەرە و ئارەزووی زیاتر شارەزابوونی(شەریعەتی ئیسلامی)یە، بۆیە ساڵی(2017) بڕوانامەی مۆڵەتی(زانستی پێش نوێژ و وتارخوێن)ی وەرگرتووە، سەرەڕای کاری فەرمانبەری یاسایی لە بەشی یاسایی(کۆلێژی تەکنەلۆجی هەولێر)، کاری وتارخوێنی لەمزگەوتی(چواریار) لەشاری هەولێر بەشێوەی خۆبەخش و یەدەگ دەکات.
لەساڵی(2004)ەوە ژیانی هاوسەری پێکهێناوە، دوو کوڕی بەناوەکانی(محەمەد و ئەحمەد) و کچێکی بەناوی(ساز) هەیە.[1]