ناونیشانی بابەت:فێستیڤاڵی خواردن و بەرهەمی کوردەواری لە زانکۆی سۆران ساز کرا
ئامادەکردنی: #محەمەد هەسنانی#
لەژێر ناونیشانی (بەرهەمی خۆماڵی سەرچاوەی تەندرووستیی مرۆڤە) ، بە بەشداریی دەیان کۆمپانیا و چەندین جۆر خواردنی کوردەواری، فێستیڤاڵێک لە #زانکۆی سۆران# بەڕێوەچوو.
م. زێبار عەزیز، لە بەڕێوەبەرایەتیی ڕاگەیاندنی زانکۆی سۆران، بە (باسکورد) ی ڕاگەیاند، بەشی زانستە گشتییەکان لە فاکەڵتیی پەروەردەی زانکۆی سۆران لە ڕۆژی جیهانی خۆراکدا، فێستیڤاڵی خۆراکیان لەژێر ناونیشانی (بەرهەمی خۆماڵی سەرچاوەی تەندرووستیی مرۆڤە) ڕێک خست.
وتیشی: لەم فێستیڤاڵەدا 35 کۆمپانیا، ڕیستۆرانت، دوکان، جووتیار و خاوەنکار بەرهەمەکانیان نمایش کرد، هەروەها، 75 جۆر خواردنی کوردەواریی جۆراوجۆر لەلایەن قوتابییانی زانکۆی سۆران بۆ ساڵی 2023 ئامادە کرابوو.[1]