- زیندانیانی دوو هۆڵ لەگرتن و گواستنەوەی گەرمیان مان دەگرن لەخواردن و ڕێگەش نادرێت بەرۆژنامەنووسان بچنە ناو هۆڵەکە بۆ ڕوماڵکردنی کێشەکانیان.
- شەوی ڕابردوو چەند چەکدارێکی نەناسراو هێرش دەکەنە سەر گوندێکی سەر بە قەزای داقوق و 10 هاوڵاتی دەکوژن و دواتر بەرەو شوێنێکی ناردیار هەڵدێن.
- لەماوەی دوو ڕۆژدا دوو خوێندکار کە تەمەنیان لە نێوان 16 و 17 ساڵدایە لە گەڕەکی ئازادی و گەڕەکی کەڵەکنی شاری سلێمانی لە ماڵەکانی خۆیان، خۆیان خنکاندوە، وتەبێژی پۆلیسی سلێمانیش ڕایدەگەیەنێت، خوێندکارێکیان هۆکاری خۆخنکاندنەکەی بەهۆی دەرنەچوونیەوە بووە.
- لەلایەن ئۆتۆمبێلێکەوە تەقە لە کۆمیتەی یەکێتی لە شەقڵاوە کرا، بەڵام هیچ زیانێکی بەدواوە نەبوو.
- لە قوتابخانەی بنەڕەتی عەلی بۆسکانی، بەبەشداری بەڕێوبەری گشتی پەروەردەی سلێمانی و چەندین کەسایەتی شاری سلێمانی وچەند هاوڕێیەکی عەلی بۆسکانی بەچەندین چالاکی جۆراو جۆر لەلایەن خوێندکارانی ئەو قوتابخانەیەوە یادی 21 ساڵەی کۆچی دوای ئەو پیاوە ناودارە کرایەوە.
- شێخ جەنگی ساڵەیی، ئەندامی دەستلەکارکێشاوەی جڤاتی نیشتمانیی بزووتنەوەی گۆڕان پەیوەندیی بە ڕیزەکانی یەکێتییەوە کردووە.
- بەرپرسی مەکۆی گۆڕان و ژمارەیەک لە هەڵسوڕاوی ئەو مەکۆیە لەسنوری ڕواندز، ئەمڕۆ ئاڵای گۆڕانیان لەسەر بارەگاکەیان لاداو چوونە ناو ڕیزەکانی یەکێتیی نیشتیمانی کوردستان.