ناوی تەواو جەمیلە جاسم جەلیل یەکێک لەو دانەرە بەتوانایانەیە کە بەدرێژایی تەمەنی کارکردنی لەبواری موزیک دا خزمەتێکی گەورەی کردووە بەتایبەت گۆرانی فۆلکلۆری کوردی لە #ئەرمینیا#.
جەمیلە جاسم جەلیل لەساڵی 1940 لە #یەریڤان#ی پایتەختی ئەرمینیا لەدایکبووە.
ئینستیتیوتی موزیکی و پاشان لە کۆنسەرڤاتواری ئەرمینیا خوێندویەتی و لە هەمان کاتدا لە یەکێک لە خوێندنگاکانی شاری یەریڤان مامۆستای موزیک بووە.
لەساڵی 1967 تا 2002 بەرپرسی بەشی کوردی ڕادیوی یەریڤان بووە لەماوەی کارکردنی دا دەیان هونەرمەند و دەنگبێژی کوردی لەناوچە جیاکانی ئەرمینیا و پارچەکانی تری #کوردستان# بانگهێشتکردوە و بەرهەمەکانی تۆمارکردون، ئەندامی یەکێتی موزیکژەنان و ڕۆژنامەنوسانی یەکێتی سۆڤیەتی پێشوو بووە.
#جەمیلە جاسم# لەسەر موزیک و فۆلکلۆری کوردی 10 پەرتووکی نوسیوە، خاوەنی دەیان وتاری زانستییەلە سەر موزیکی کوردی لە #یەکێتی سۆڤیەت#ی پێشوو هەروەها لە #پۆڵۆنیا#، #هۆڵندا#، #ئیتاڵیا#، #لەندەن#، #تورکیا#، #سوریا#، #هەولێر#، #سلێمانی#، لە دەیان کۆنفرانس دا بەشداری کردووە.
3 جار بە وتاری زانستی لە سەر موزیکی کوردی لە سمپۆزیومی موزیک کە یونسکۆ ساڵانە لە ئەرمینیا ساز دەکرێت بەشداریکردووە.
موزیک دانەری بەناوبانگی ئەرمەنی (ئارام خاچەتوریان) کار و بەرهەمەکانی جەمیلە جاسمی بەرز نرخاندووە.
سەرچاوە : مامۆستا جەمیل ی مەلاقەرە.[1]