شوێنەواری خەنەس بە دووری 13کم دەکەوێتە پارێزگای دهۆک لە ناو نیمچە دۆڵێکدا زنجیرە شاخێک دەڕوانێتە سەر ئاوێکی سازگار، لە شاخەکەدا چەندان پەیکەر و ئەشکەوتی وەک پەرستگا و نەخشەسازی تر هەڵکۆڵدراوە. هەڵکۆڵدراوەکان لە شوێنی بەرزن و زۆر بە شێوازی هونەری و لێهاتوویی کاریان تێدا کراوە،
بەپێی سەرچاوە مێژووییەکان، لە ساڵی 705 تا 680 ی پێش زاییندا، سەنحاریب پاشای ئاشورییەکان لە ناوچەکدا حوکمی کردووە و بەنداوێکی دروستکردووە و بە جۆگە ئاوی بردووە بەرەو ناوچەکانی نزیک نەینەوا.
لە شوێنەواری مێژوویی خەنسدا چەندین نوسراوی بزماری و کەلوپەل و پەیکەر و تاقی جیاواز لەسەر بەرد هەڵکوڵدراون. ئەم شوێنە 15 ژوور لەخۆی دەگرێ و چەندین هەڵکۆڵدراوی لەسەرە لە شێوەی دەرگا کە هەر دەرگایەک وێنەیەکی لەسەر هەڵکۆڵدراوە.
. ئەم شوێنە بە درێژایی 80 کم بە نزیکەی 21 مانگ توانراوە تونێلی ژێر زەوی لێبدرێ بۆ گواستنەوەی ئاو بۆ شاری نەینەوا و لە لایەن نزیکەی 20هەزار دیلەوە دروستکراوە.
[1]