هەرچگ ک لێوە بۊم، لەێلا نەناسیەم
نە ناخودا ،خودا، دەریا نەناسیەم
داپیرە دۊرم و، باپیره دشمنم
هاتم وە دی وەلێ، دادا نەناسیەم
ورسگ وەرم بۊە، خورما وە بار خەر
خەر ڕام ڕاممۊ، خورما نەناسیەم
دەس سایمەقەێ سەرەو، دێوێ لە تێ درات
هوو هوو هووهوو هووهوو، هاها، نەناسیەم
خوەم بۊمە ئەور خوەم، بغزێ لە بەور خوەم
وڕ وڕ هە وارسم، ئوو وا نەناسیەم
ئەسڵەن ئیانە هۊچ، ئەر مێشت یانە پۊچ
ئەر ئەۊ وەمل نەوت، ئەر یا نەناسیەم
خوەم دەم وەلەێ خوەمەو، خوەم خوەم هه نیەۊمنەو
ئۊشم جام نەیەم؟! وەێ یا نەناسیەم ؟![1]
ئمێد زاهری شاعیر #ئیلام#ی ئیل ئەرکوازی