Navê pirtûkê: Xanînasî
Navê nivîskar: 1. Abdulhadi TİMURTAŞ, 2. M. Zahir ERTEKİN, 3. Ayhan TEK (Ayhan Geverî)
Cihê çapkirina pirtûkê: Wan
Navê çapxaneyê: Peywend
Sala çapê: 2021
Hinek nivîskarên edebiyata kurdî dema berhemên xwe dinivîsîn hindî ji wan hatî ji folklora kurdî sûd wergirtine. Vê çende hem di mijarên di berhemên xwe da hilbijartî hem jî di temayên di berhemên xwe da bi kar anî reng vedaye. Ehmedê Xanî yê yek ji girîngtirîn nivîskarê edebiyata kurdî ya klasik tê hilbijartin, dema berhema xwe ya navûdeng Mem û Zîn amade dikir, binyatê mesnewîya xwe li ser destana Memê Alan a yek ji girîngtirîn destana kurdî ya gelêrî û ya di nava gel da berbelav, ava kirîye. Wî, destana li nav gel da berbelav serejinû şîrove kirîye û paşî berhema xwe nivîsîye. Ji bilî vê çendê wî, gelek materyalên folklorîk yên di wê serdemê da li nav gel da berbelav bi kar anîye û li berhema xwe da reşandîye. Ji vê çendê ve, neynik daye folklora kurdî ya serdema xwe. [1]