ناونیشانی بابەت: عومری فڕقەی (دوورم لە یاران) زۆر کورت بوو
نووسینی: #ڕزگار خۆشناو#
پاشەوەی کاسێتی ئەو دوو گۆرانیە (دوورم لە یاران و حەزم لێ کردووی) لەگەر هەندەک گۆرانییدکە، براو بۆوە و دەنگەکی زۆری داوە و فڕقەکەیمە گەلەک مەشهوور بوو، هەر لە عەینی وەختیش چەند حەفلەکن لە #هەولێر#ێ کردن و خەرک گەلەک بەدریان بوو! ئەمە داننابوو کە پڕۆڤەی گۆرانییدکە بکەین و ڕانەوەستین، بەران حەیف هەزار حەیف... ئەو فڕقە زۆر دەوامی نەکرد و عومری زۆر کورت بوو!
ئێکەمین فڕقەی مەسرەح ڕیفی، #حەمید مەجیدیان# ڕاسپاردبوو - تاکە عازیف بوو لە مەسرەح ڕیفی، زوو چووە ناو فڕقەی هونەری هەولێرێ - بێتە کنەمن و شریتی بەکرەی ئەسڵیی هەردوو گۆرانی، لەمن وەرگریتۆ، هەتا هەنکەش نەمزانی لۆ؟ ئەوجا عازیفەکان - نەک ئەوانەی لە مەسرەح ڕیفی موەزەف بوون - بەرە بەرە فڕقەیان بەجێ هێشت و دەچوونە فڕقەی هونەری هەولێرێ، کە لەمێژ بوو هەبوو، بەران شتەکی فەننیی ئەوهایان نەکردبوو، خەرک باش بیانناسی.
بێجگە لەوەش تابعی مۆزیقەیان زۆر کوردی نەبوو! ئەگەر غەرەت نەبم، ئەو دوو گۆرانییەی کە ئەمە تەسجیلن کردبوو برا وبوونۆ، بە دوو لایان تەئسیری لەوان کرد، لە لایەکی وا حسیان کرد کە ئەمە بەو ئیشە گەورەی کە لە قەبارەی ئیشەکانی فڕقەی مۆزیقای سولەیمانی تەخمینەکرا، ئیهانەن کردن، چونکە ئەگەر ئیشەکی فەننی لە هەولێرێ بکرێ، دەبی فڕقەی وان بکا نەک فڕقەکیدکە! لە لایەکی دیکە، ئەو ئیشە ئەوانی گەلەک مشەوەش کرد و کەتنە مشوورخواردنێ، چ بکەن باشە!
لۆیێ، لۆی هەیە لە ئیجتماعەکی هەیئەی ئیداریی فڕقەی، باسی ئەوەیان کردبی کە چ بکەن لۆوەی هەیبەتی فڕقەی مۆزیقای خۆیان بگەڕێننۆ و محاوەلە بکەن بە هەموو نەوعەکی، فڕقێ خۆیان گەورەتر بکەن و دەست بە ئیشی گەورە و میهیمی وەکی مە بکەن! لۆیێ هەر ڕۆژەو ئێکەکیان لە عازیفەکانی مە، ئیقناعەکرد و دەیانکردە عزووی فڕقێ خۆیان! وەلەو ئیشەکەیان بە دزیەکرد و خەرک ئۆندە نەیانەزانی، ئەوانە چاکەن و بەتەمای چنە!
بەران وەختی دیتم هەتا دێ فڕقەی مە گچکابیتۆ، بە ڕەنجبەری برام گۆت، ئاگات لێیە کو عازیفەکانی فڕقێمە لۆ خۆیانەبەن و فڕقەکەی مەیان کو تێکوپێک دا؟ ڕەنجبەریش گۆتی ئەرێوەڵا ئاگام لێیە چ دەکەن، هەر لۆ ئەو خوتەی، مامەستایەکی خەرکی کۆیێشیان نەقری نیشات مەدرەسیی هەولێرێ کردیە و هەر ئەویشەکەنە ڕەئیسی قسمی مۆسیقای فڕقەی هونەری هەولێرێ! دوایێ دیتن، چەند عازیفەکی فڕقەی باواجییشان هینا ئەو فڕقەی!
بە ڕەنجبەریم گۆت: چ دەرێی ئەمەش بچین؟ گۆتی: ئەمەشەچین با تووشی ئەمری واقیعیان بکەین! ئێوارەکی لەگەر ڕەنجبەری چووینە مقەری فڕقەی کە لەناو بازاڕی بوو، هەندەک لە عزووی هەیئەی ئیداریی فڕقەی لەوێ دانیشتبوون، پاش سەلام و ئەحوارپرسین، گۆتم: زۆر باش ئاگام لێیە کە ئەنگۆ چاکەن! ڕۆژ بەڕۆژ زۆربەی عازیفەکانی مە ئیقناعەکەن و لۆ خۆو ڕاکێشن! ئەگەر ئەنگو نیەتتان خزمەتکرنی گۆرانی و مۆزیقەی کوردیە، بەو تەریقە و تابیعەی ئەمە کردن، ئەوە پێی ناوێ بە دزی عازیفەکانی مە لۆ خۆ ببەن! دینی محەمەدی بە ئاشکرا خۆشە! ئەمە هەموو حازرین بێینە ناو ئەو فڕقەی و بە هەموان خزمەتی گۆرانی و مۆزیقەی کوردی بکەین.
دیار بوو ئینتیزاری هەموو کەسەکیان کردبی کە بێتە فڕقەی وان، ئینتیزاری منیان ناکرد! نەیانزانی کو جوابم دەنۆ! بەران دەبا برێن، دەرگەی ئەو فڕقەی لۆ هەموو کەسەکی کرایتۆ، یا ئەمە ڕێی لە کەس ناگرین و وا پێشان دەن کە دریان بە هاتنی ئەمن و ڕەنجبەری برام، گەرەک خۆشە! زۆری نەبرد، هەتا دەهات ئەو فڕقە گەورابوو، مۆزیقاری زۆر لەو فڕقەی خڕ بوونۆو.
ئەوانەش ساری 1978 عازیفەکانی تیپی هونەری هەولێرێ بوون: کەمان: جەودەت شاکر، ڕەنجبەر خۆشناو، #سەید ئەحمەد بەرزنجی#، جانا تۆماس، شێرزاد عوزێری، جەودەت هاشم، فوئاد محەمەد، ڕەوەند کۆیی/ عوود: وریا ئەحمەد، ڕزگار خۆشناو/ نای: سەردار ئەحمەد/ قانوون: جەلال عەزیز/ ئەکۆردیۆن: موحسین حەسەن/ ئۆرغۆن: جەلیل خەلیل/ بزق: حەمید مەجید/ چەلۆ: جەمال عوسمان/ئیقاع: شەریف جەرجیس/ بینگۆز: شەمسەدین عومەر/ دەف: محەمەد ئیسماعیل/ گیتار: نەزار سەعید/ باس گیتار: دیدار محەمەد.
ئەوەش ناوی گۆرانیبێژەکانن: #محەمەد جەزا#، #قادر زیرەک#، تەنیا عارەب، جەلال سەعید، کاوە ژاژڵەیی، جەبار ئەحمەد، جەعفەر سەلیم، لەگەر گۆرانیبێژەکانی شاریدکە (#کەرکووک#: سامان کەرکووکی)، (سولەیمانی: #قادر کابان#) ، (#کۆیە#: ئیبراھیم سابیر، سەلاح محەممەد).
هەتا حەرقەکی دی...[1]
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!