مۆزەخانەی نگڵ، لە مۆزەخانە گرنگ و هاوچەرخەکانی ڕۆژهەڵاتی #کوردستان#ە، کە لە دوو بەشی قورئان و ئەنترۆپۆلۆژی پێکدێت، واتا لەم مۆزەخانەیە بەشێک تایبەت کراوە بە دانان و پیشاندانی چەندین دەستنووسی قورئانی پیرۆز، کە گرنگیی تایبەتیان هەیە، بەشێکی دیکەی مۆزەخانەکە تایبەت کراوە بۆ نمایشکردنی کەلوپەلی کۆن و ڕەسەنی کوردەواری.
سەرجەم کەلوپەلەکانی ئەو مۆزەخانەیە لەلایەن خەڵکی ناوچەکەوە، وەک دیاری بەخشراون بە مۆزەخانەکە، کە سەرجەم کەرەستەی بژێوی و کولتووریی ناوچەکە لە 50 بۆ 200 ساڵ بەر لە ئێستا لەخۆ دەگرێت.
مۆزەخانەی نگڵ دەکەوێتە ناو حەوشەی سەرەکیی مزگەوتی نگڵ. گوندی نگڵ بەدووریی 65کم لە شاری #سنە#، لەسەر ڕێگای #سنە-مەریوان# هەڵکەوتووە.
ئامادەکردنی بابەت: #سەوسەن سنەیی#. [1]