شێخ یووسفێ زاخویی د بەلگەنامەیێن عوسمانیدا
د. نزار ئەیووب گولی
زانکویا زاخو/ پشکا مێژوو [1]
=KTML_Link_External_Begin=https://www.kurdipedia.org/docviewer.aspx?id=450063&document=0001.PDF=KTML_Link_External_Between=کلیک بکە بۆ خوێندنەوەی شێخ یووسفێ زاخویی د بەلگەنامەیێن عوسمانیدا=KTML_Link_External_End=
شێخ یووسف کورێ یاسین کورێ ئیسماعیل کورێ مەلا ئیبراهیمێ کێستەیى، ژ دووکەفتیێن ڕێبازا صووفیێن نەقشەبەندى و خەلیفەیێ شێخ طاهرێ نەقشەبەندیێ ڕێکانیێ بامەرنى بوو ، ئه و دکاروبارێن شەریعەت و صووفیگەریێ دا شارەزابوو هەروەسا ب چەندین ڕولێن سیاسى ژى ڕابوویە.
ئێکەمین جار ناڤێ شێخ یووسفى هاتیە دناڤ بەحس و خەبەراندا بو سالا 1845 ڤەدگەریت، چونکە دڤێ سالێدا شێخ يووسفى نامەیەک بو والیێ مووسل محەمەد ئینجە بەیرەقدار هنارتبوو و تێدا دیارکربوو کو تەکیەیا وى ژ بەر زوریا خوەندەکار و ڕێڤینگان پێدڤیى ب هاریکاریێ هەیە، و چونکە هەر سێ گوندێن خرابابک، هیزاوا و تلکەبەر نزیکى 30 سالانه کو هاتینە بەردان و نها کاڤل بووینە لەورا وى داخواز کر کو ئەڤ گوندە ب وى بهێنە ڕاسپاردن، ل سەر ڤى بناخەی ل 29 ڕبیع الاول 1261/ 6 نیسان 1845 والیێ مووسل نامەیەک ب زمانێ فارسى بو عمدە المشایخ الکاملین و زبدە فضلاء الصالحین عالي جناب یوسف أفندی زید تقواه هنارت و تێدا دیار کر کو ئه و ڕازی بوویە وان هەر سێ گوندان بو تەکیا شێخ یووسفی ئاراستە بکەت ب مەرجەکى کو ئه و ئەردێ وان گوندان بچینیت و ل بەرامبەر هەر زەڤیەک یان بیستانەکێ سالانە 100 قرووشان بو دەولەتێ بهنێریت،... وهەمى داهاتێ دی ل خەرجیێن تەکیەیا خو بمەزێخیت. و ئه و ئازادە ئەگەر خەلکەکى ل دەرڤەى ویلایەتا مووسل ژى ل ڤان گوندان ئاکنجی بکەت.
ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 232 جار بینراوە
ڕای خۆت دەربارەی ئەم بابەتە بنووسە!