تیمە پاڵەوانەکەی پێشمەرگەکان درێژە بە سەرکەوتنەکانیان لە خولی نایابی تۆپی پێی یانەکانی ئێراق دەدەن و توانیان لە دوایی دوو سەرکەوتنی یەک لە دوای یەک خۆیان بگەیەنە پلەی دووەمی ڕیزبەندی یانە بەشدارەکانی کۆمەڵەی یەکەم.
پاش نیوەڕۆی ڕۆژی سێشەممە #09-01-2024# یارییەکانی جەولەی شەشەم لە قۆناغی یەکەمی خولی نایابی تۆپی پێی یانەکانی ئێراق بەڕێوەچوو تێیدا و لە یارییەکی ئاگرین دا و دوایی پیشان دانی ئاستێکی بەرز، کوڕانی پێشمەرگە توانیان گرنگترین سەرکەوتن بەدەست بهێنن و سێ خاڵی ئەو جەولەیان لە یانەی عەفەکی خاوەن یاریگە وەرگرت، ئەمە و لە هەمان کۆمەڵە حسێن و سامەرا یەکسان بوون و هەرچی ئەلئتیساڵاتە بە ئەنجامی دوو گۆڵی خاوێن لە یانەی ئەلفەهدی بردەوە.
لەلایەکی دیکەوە و میسان توانی لە دەرەوەی یاریگاکەی شکست تووشی ئەلکەرمە بکات و هەروەک مەسافی جنوب و ناسریەش بە بێ گۆڵ یەکسان بوون.
بەو ئەنجامانەی جەولەی شەشەم، تیمی تۆپی پێی یانەی پێشمەرگە لە پێنج یاری دا (سێ یەکسان بوون) و (دوو سەرکەوتن) بە 9 خاڵەوە پلەی دووەمی ڕیزبەندی کۆمەڵەکەی گرتووە و یارییەکی دواخراویشی ماوە.
[1]