لەژێر چاودێری یەکێتی شەتڕەنجی ئێراق و یەکێتی شەتڕەنجی نێودەوڵەتی، ئەکادیمیایی شەتڕەنجی #هەولێر# لە ڕۆژانی 21-12 تا #26-12-2023#، پاڵەوانێتی کلاسیکی شەتڕەنجی هەولێری ئەنجام دا و تێیدا لەو پاڵەوانێتییەدا 44 یاریزان لە سەرجەم پارێزگەکانی ئێراق و وڵاتی سووریا تێیدا بەشدار بوون و دوایی ڕکابەری یاریزانان لە 9 جەولەی یارییەکان کە بە شێوەی سویسری بەڕێوەچوو دواجار، (ئاریان عەلی ئیحسان) لە یانەی وەرزشی پێشمەرگە توانی پلەی یەکەم بەدەست بهێنێت و هەروەک (ئەحمەد جەزا) ی هاو یانەی بە پلەی یەکەم دووبارە هات و پلەی سێیەمیش بۆ (ڕەوەند حامید) ی بیرمەندی یانەکە بوو.
لە لایەکی دیکەوە لە پەڕاوێزی ئەو پاڵەوانێتییەدا، خولێکی داوەری شەتڕەنج بۆ 15 داوەر لە داوەرانی شاری هەولێر و دەوروبەری بەڕێوەچوو کە تێیدا و وانەکانی لەلایەن هەردوو وانەبێژی نێودەوڵەتی (ئەسعەد ئیسماعیل و عەبدول عەزیز) ئەسوەتەوە وترانەوە.
سەبارەت بە ئەنجام دانی پاڵەوانێتییەکە و خولی داوەری یارییەکە، ئەسعەد ئیسماعیل وانەبێژی نێودەوڵەتی شەتڕەنج تایبەت بە پێشمەرگە سپۆرت وتی، ئەم پاڵەوانێتی و خولە، لە چوارچێوەی چالاکییەکانی ئەکادیمیایی شەتڕەنجی هەولێر بەڕێوەچوو کە تێیدا لە یارییەکانی پاڵەوانێتییەکەدا یاریزانانی پێشمەرگە توانیان لە پێشەنگ بن و نازناوەکانیان بەدەست هێنا، هەروەک وتیشی بۆ برەودان بە توانای داوەران و درووست بوونی نەوەیەکی نوێ لە داوەری یاری شەتڕەنج خولێکی داوەریمان ئەنجام دا کە ماوەی 4 ڕۆژی خایاندوو وانەکانی بە شێوەی تیۆری و پراکتیکی وترانەوە و بەشداران سودێکی زۆریان لە وانەکانی بینی.[1]