هاوینگەی فەقیان کەوتۆتە نێوان سرووشتێکی ڕازاوی پڕ لەدارو درەخت بەدرووی 120 کم دەکەوێتە باکووری ڕۆژ هەڵاتی شاری #هەولێر#، هاوینگەی فەقیان دەکەوێتە نێو ڕەزو باخچەکانی گوندی فەقیان لەدۆڵی ئاکۆیان سەرەبە شارۆچکەی #ڕواندز# لە پارێزگای هەولێر، شوێنەکە بەدار گوێزو دارچنارو چەندین جۆری میوە داپۆشراوە، کانیاوی بەخوڕ و سازگاری لێیە، ئەوە بۆماوەی سێ ساڵە گەشتیار ڕووی تێدا دەکات بەڵام پێویستی بەناساندو خزمەتگوزاری پێویست هەیە.
هاوینەهەواری بناری هەڵگورد
چیای هەڵگورد لە شارۆچکەی #چۆمان# بەدووری 180 کم دەکەوێتە باکووری ڕۆژهەڵاتی شاری هەولێر، لەچواردەوری چیایەکە مێرگ و گۆماوی سازگاری لێیە، بەهاوین پلەی گەرما لە 25 پلە تێناپەرێت. شوێنێکی لەبارە بۆ درووستکردنی هەوارگە و شوێنی گەشتیاری. گەشتیار دەتوانێت بەهاوین لەبەر هەتاو دابنیشێت بە بێ ئەوەی گەرمای ببێت چونکە بەردەوام هەوایەکی فێنک و سازگار هەڵدەکات.
هاوینە هەواری دۆڵی سەکران
هەڵکەوتەی ئەم هاوینە هەوارە بەدووری زیاتر لە 160 کم دەکەوێتە باکووری هەولێر، کەوتۆتە ناوچەی بالەکایەتی، لەناو دۆڵێکی پڕ لەدارو درەختدایە و ڕووبارێکی سازگار بەناویدا ڕەت دەبێت. بەشێوەیەکی سادە ژمارەیەکی زۆر کەپری گەشتیاری لێ درووستکراوە، بەڵام بەهۆی دیمەنی جوان و سازگاریی کەشوهەواکەی، ساڵانە ژمارەکی زۆر گەشتیار کاتەکانیان لەم شوێنەدا بەسەر دەبەن.