گا پاڵەوانه
بزن دارەوانه
مەڕ مەلەوانه
گۆشتی گێژان
ئاوی لێژان
گانی درێژان
گۆشتی گێژان
گانی درێژان
دروێنەی لێژان[1]
گا پاڵەوانه؟ چونکە لەدێهاتەکان بۆ جووتکردن بەکاردێ و زەوی پێدەکێڵدرێ.
هەروەها بزن دارەوانه واته: دەتوانێت بەهەموو جێگایەکی سەختدا بڕوات کە جۆری دیکەی ماڵات ناتوانن پێیدا بڕۆن.
مەڕیش توانای مەلەکردنی لەئاودا هەیە.
گێژان: مەبەستی لە مەڕی گیژە.
درێژان کۆی درێژە. لە ناوچەی پشدەر زۆر وشە و دەستەواژه، زۆر جار بۆ تاکیش، لە گفتوگۆ و ئاخاوتندا، لە حاڵەتی (کۆ)دا بەکاردەهێنرێت.
لێژ، لێژان: شوێنی سەربەرەو خوار، کە لەکاتی دروێنەکردندا خۆش و لەبارترە وەک لە دەشتێک، چونکە دروێنەوان کەمتر پشتی دەچەمێنێتەوە و ماندوو دەبێت.