لە شاری #کەرکووک#، یەکێتی ناوەندی کاراتێی ئێراق بە هاوکاری لقی یەکێتییەکەی پاڵەوانێتی کاراتێی لاوانی ناوچەی باکووری بۆ ئاستی کوڕان ئەنجام دا.
لەو پاڵەوانێتییەدا و دوایی ڕکابەرییەکی یەک ڕۆژی یاریزانان دواجار، تیمەکەی پێشمەرگە بە کەمترین یاریزانی توانی پلەی دووەم بەدەست بهێنێت ئەوەش دوایی کۆکردنەوەی 22 خاڵ.
ئەمە و پلەی یەکەمی ئاستی لاوان بۆ یانەی خورماڵ بوو بە 40 خاڵ و هەرچی #چەمچەماڵ#یش بوو 18 خاڵ یان کۆکردەوە و بوونە خاوەن پلەی سێیەمی پاڵەوانێتییەکە.
سەبارەت بە ئەنجامەکانی تیمی کاراتی یانەی پێشمەرگە، توانا سەعید کارگێڕی تیمی کاراتی یانەکە بۆ پێشمەرگە سپۆرت ڕوونکردنەوەی زیاتری دا و وتی، بە کەمترین یاریزان بەشداریمان لەم پاڵەوانێتییەدا کرد و بەهۆی پێکانی یاریزانانمان نەمان توانی وەک پێویست نمایشی هێز و توانای خۆمان بکەین.
توانا وتیشی، تیمەکەی پێشمەرگە بەو ژمارە کەمەی یاریزانان بەشداری کردووە و خۆشبەختانەش توانیمان ئەو ئەنجامانە بەدەست بهێنین. [1]