یارییەکانی جەولەی پێنجەمی خولی لاوانی یانەکانی کوردستان بەڕێوە دەچێت و لەو جەولەیەدا لاوە پێشمەرگەکانی سلێمانی کە لوتکەی ڕیزبەندی کۆمەڵەی چوارەمی یانەکانیان گرتووە، لەسەر یاریگەی خۆیاندا میوانداری لە لاوانی #یانەی وەرزشی بازیان# دەکەن.
یاری نێوان هەردوو تیم لە کاتژمێر 5:00 ی ئێوارەی ڕۆژی پێنجشەممە #10-08-2023# بەڕێوە دەچێت و تێیدا دەستەی ناوبژیوانانی یارییەکەش بریتی دەبن لە (ڕێباز لەتیف ناوبژیوانی یەکەم، محەمەد سەڵاح یاریدەدەری یەکەم، ماهیر عەبدوڵڵا یاریدەدەری دووەم، کۆڕەک عەلی ناوبژیوانی چوارەم و ئیبراهیم حسێن سەرپەرشتیاری یاری) دەبن.
جێگەی باسە، تیمی لاوانی یانەی پێشمەرگە گەیشتنی بە خولی لاوانی پلە نایابی یانەکانی کوردستان بۆ وەرزی داهاتوو مسۆگەر کردووە و لەم خولەی وەرزی نوێشدا کە 21 یانە تێیدا بەشدارە و دابەشی سەر چوار کۆمەڵە کراون بە کۆی 10 خاڵ لە لوتکەی ڕیزبەندی کۆمەڵەکەی، کۆمەڵەی چوارەم دەبینرێت.
[1]