کومەڵگەها #تل قەسەب#
ئەڤ کومەڵگەهە دکەڤیتە باکورێ ڕۆژئاڤایێ باژێڕۆکێ #شنگال#، و ئاکنجیێن ڤێ کومەڵگەهێ هەموو ئێزدینە، 9 هۆزێن ئێزدیان ل کومەڵگەها تل قەسەب ئاکنجینە ژ وانا ژی (مەهرکان، هەسکان، هەباب، عەلی سۆرکا، جێلکی، قتۆیا، فەقیر، کزا، دلکان). هەروەسا چەندین جهێن پیرۆزێ ئاینێ ئێزدیان دکەڤنە کومەڵگەها تل قەسەب و ساڵانە هژمارەکا مەزنا کەسان سەرەدانا وان جهێت پیرۆز دکەن و ب تایبەت ل مەها نیسان و گولانێ ژبەر کو ل وان مەهان توافێن ئێزدیانە, خەلک ژ هەموو گوندێن ئێزدیان قەستا توافا دکەت و هەر کەسەک خزم و هەڤال و نێزیکێن خۆ داخواز دکەن. خەلکێ کومەڵگەها تل قەسەب لدیف ئامارێن بەری هاتنا داعش بۆ شنگال ل ساڵا 2010 (18،000 )هژدە هەزار کەس بوون ، ب سەدەهان کەسان ژ کومەڵگەها تل قەسەب هاتن کوشتن و بێسەر و شوین کرن و ئەنفالکرن لسەر دەستێ دەولەتا ئیسلامی یا ب ناڤێ داعش، هەروەسا گەلەک خێزان ئاوەرەی باژێڕۆکێن #دهۆک# و #زاخۆ# و #سلێمانی# بووینە و هەروەسا کۆچکرینە بۆ وەڵاتێن ئۆرەپی. (900) نەه سەد کەس ژ کەمەڵگەها تل قەسەب بووینە قوربانی لسەر دەستێ دەولەتا ئیسلامی یا ب ناڤێ داعش ژ وانا ژی 420 زەلام بوون 480 ژن بوون، 126 زەلام و 64 ژن هاتن ئەنفالکرن، 108 زەلام و 101 ژن هاتن بێسەر و شوێن کرن، 186 زەلام و 315 ژن هاتن ڕزگار کرن ژ دەستێ دەولەتا ئیسلامی ب ناڤێ داعش. گەلەک ژ وان کەسێن ڕزگار بووی نها ل وەڵاتێن ئۆرەپی و کوردستانێ ئاکنجینە، لێ د نها دا کومەڵگەها تل قەسەب گەلەک خزمەتگۆزاریێن سەرەکی د کێمن یانژی نینن وەکی ئاڤ و کارەب و رێکێن هاتن و چۆنێ، دەستپێکا ساڵاێن 2019 و 2020 دا گەلەک خێزان ڤەگەریانە مال و جهێن خۆ و هێدی هێدی خزمەتگۆزاری باشتر دبن و ژیانا خۆ دبەنە سەری. [1]
ئەم بابەتە بەزمانی (کرمانجی - Upper Kurdish (Arami)) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - Upper Kurdish (Arami)) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 856 جار بینراوە
ڕای خۆت دەربارەی ئەم بابەتە بنووسە!