ناڤ: حسێن
ناسناڤ: سەربازێ نەدیار ( جندي المجهول )
ناڤێ بابی: حاجی
ساڵا ژ دایکبونێ: 1967
جهێ ژ دایکبونێ: بەعەدرێ / #شێخان# / #دهۆک#
$ژیاننامە$
نڤیسەر و دەرهێنەر و ئەکتەر و شانۆکار و خێرخواز حسێن حاجی ئۆسمان ناڤدار حسێن، ساڵا 1967، ل ناحیا بەعەدرێ هاتیە سەر دونیایێ، حسێن حاجی دەرچوویێ پەیمانگەها گەشت و گۆزارییە ل زانینگەها بەغدایێ ل ساڵا 1985، ساڵا 1992 ژیانا هەڤژینیێ پێک ئانییە و خوەدیێ 5 زاڕۆکانە ( 3 کوڕ و 2 کچ)، ناڤهاتی شون تپلێ وی دیارە د کومەڵگەهێ کوردی دا و ب تایبەت دناڤا کومەڵگەهێ ئێزدی دا. حسێن حاجی ب هاریکاریا چەندین کەسانێن دی ڕابوون ب ڤەکرنا موزەخانەکا فلکلوری ل گوندێ بێبانێ ل ساڵا 2010، د وێ موزەخانێ نێزی 100 کەل و پەلێن فلکلۆری تێدا هەنە. ناڤهاتی ڕۆلەکێ گەلەک گرنگ د ڕزگار کرنا 21 کەسان ژ دەستێ داعش دا هەبوویە و هەیا نها ژی بەردەوامە لسەر کارێ ڕزگار کرنا گرتییان، د نهۆ دە ژی ناڤهاتی پەیوەندی دگەل چەندین کەسێن کو هەیا نها نەهاتین ڕزگار کرن هەیە و بەردەوام هەوڵ ددەت کو ب هەر ئالیەکی هەبت ڕزگار بکەت، حسێن هەردەم گۆتیە ماڵا من ماڵا ڕزگاربووانە و هەر ساڵ ل ڕۆژا جینوسایدا ئێزدییان وێ بیرەوەریا نەخۆش و تەحل نوو دکەت و وەکە ڕێزگرتنەک بۆ کەسانێن بوینە قوربانی،
ناڤهاتی ل ڕۆژا #15-08-2014# ب هاریکاریا چەندین کەسان ڕابوون ب ڕزگار کرنا خێزانەکێ کو ژ 7 حەفت کەسان پێک دهات ل باژێرێ موسڵ، دەمێ کوو وێ خيزانێ خوە د ناڤ کەسانێن داعش دا حەشار دابوو و ل وی دەمی موسڵ مەیدانا شەڕی بوو، بەلێ ب هەر شێوە ناڤهاتی بەردەوام بوو ل ڕزگارکرنا وێ خێزانێ.
هەروەسا چەندین تابلۆ ژ وان گولەیان چێکرینە یێن کو هەر گولەیەک ژ وان کەسەکێ ئيزدی پێ هاتیە ئەنفالکرن و ئەو تابلۆیە ل #پەرلەمانێ کوردستان#ێ هاتینە نمایش کرن.
ل ساڵا 2018 ژلایێ کەنالێ ئاسمانی یێ کوردستان 24 خەلاتێ سەربازێ نەدیار ( جندي المجهول) ب حسێن حاجی هاتیە دان ژبەر ڕۆلێ وی یێ گرنگ د ڕزگارکرنا چەندین کەسایەتیان ژ دەستێ داعش و چەندین کارێن دی یێن مرۆڤایەتی.
ناڤهاتی ب سەدەهان خۆلێن فێرکرنێ ژبوی قوربانیێن دەستێ داعش ڤەکرینە وەکو خۆلێن زمانی، سەرتراشین، هۆنەری، پشتگریا دەروونی و هەرهۆسا پشکدارییا د چەندین کۆنفرانسێن ناڤ دەولەتی کرییە ل وەڵاتێن ئەورپی و خودان چەندین باوەڕنامەیانە.
نڤیسەر حسێن حاجی خودان دوو ئۆپرێتە ژ وان ژی
1- جۆتیار و ئاگر
2- بونا کنیاتێ د ئێزدیاتیێ دا
ناڤهاتی خودان نۆزدە (19 ) پەرتۆکە، چاردە (14) پەرتۆکێن وی هاتینە چاپکرن ژوان ژی
1- کانیا ئەڤینێ ( هەلبەست )
2- ڕۆندکێن هەژار ( هەلبەست )
3- پازدە تلی ( کورتە چیڕۆک )
4- ڕوڤیێ فێلباز ( فلکلۆر )
5-بابە دەروێش ( سەرهاتی )
6- باڕزۆنکا زێران ( گوتنێن مەزنان )
7- چرایێن بەعەدرێ ( ژیانناما کەسایەتیێن بەعەدرێ )
8- دارا ژیانێ ( شانۆ )
9- خەونێن خەنقاندی
10- قيریێن ئیمانێ . ( ب زمانێ عەرەبی و هاتییە وەرگێران بۆ زمانێ ئنگلیزی و چیکی )
11- جحیم داعش ( ب زمانێ کوردی و عەرەبی )
12-صمود الشمس
13- النور في الظلام
14-وردة بيضاء في غابة سوداء ( هاتیە وەرگێران بۆ زمانی ئنگلیزی )
ئەو پەرتوکێن نە هاتینە چاپکرن
1- دلۆپا خوینێ ( هەلبەست )
2-لاندک ( هەلبەست )
3- دەم و دەوران ( هەلبەست )
4-گونەها من دێ تە گرت ( هەلبەست )
5- خدر قوال سيرة فنان مع الالوان
حسێن حاجی پشکداری د چار فلمێن سینەمای یێن مەزن دا کرییە ئەو فلم ژی ( کچێن ڕۆژێ ) یێ دەرهێنەرێ کوردە و هەلگرێ ناسناما هۆلەندییە ڕێبەر دۆسکی،
فلمێ دی ژی ب ناڤێ ( شنگال ) یێ دەرهێنەرا کچا ئیسپانیە ب ناڤي ئانا، ئەڤ هەردوو فلمە ل چەندین وەڵاتان هاتن نەمایش کرن وەکو بریتانیا و سوید ….
دوو فلمێن دی ژی کو هێشتا نە هاتینە نەمایشکرن ژبەر هندێ ناڤهاتی چی تشت ئاشکەرا نە کرن.
ئێکەم جار حسێن حاجی پشکداری د شانۆکەریان دا کری پشکداری د شانۆگەرییا ( الأسير ) دا کر وەک ئەکتەر ئەو ژی ل ساڵا 1984 بوو. ناڤهاتی 12 شانۆگەری پێشکێش کرینە ل باژێڕێن جودا جودا کو ئەو بخۆ دەرهێنەر و ئەکتەر بوویە ژی د چەندین کارێن خوە دا. حسێن حەجی رابوویە ب ڤەکرنا چەندین پێشانگەهين جودا جودا ل دەڤەرێن جودا جودا دەربارەی فلکلۆر، پەرتووک و کۆمەڵکوژیا ئيزدیان. دنهۆ ژی دا #01-12-2024# مامۆستا حسين حاجی مژوولی ڤەکرنا پێشانگەهەکێ یە دەربارەی ڕزگاربویێن دەستێ داعش. حسێن حاجی بەردەوام پەیوەندی دگەل ڕزگاربوویێن دەستێ داعش هەیە، تا نهۆ 46 سەیران بۆ دەڤەرێن جودا جودا یێن کوردستانێ دروست کرینە مەڕەم ژی ژڤان سەیرانا بۆ خۆشکرنا دەرونێ ڕزگاربووانە. [1]