مافی منداڵ
ڕۆژ، ڕۆژی مناڵانە
مافی ڕەوای خۆمانە
بۆ ئەم ڕۆژە پەرۆشبین
چەپڵە لێدەین دڵخۆشبین
ئەمڕۆ ڕۆژی قاقایە
گۆرانی و مۆسیقایە
فیستیفاڵێک سازدەکەین
دڵمانی پێ شاددەکەین
نواندنی سەر شانۆ
زۆرجوانە لە من و تۆ
بیرۆکەی شانۆی ئەمساڵ
ناودەنێین مافی مناڵ
بەبەهرە و خولیای خۆمان
بەسەردەبەین ئەمڕۆمان
زیرەکیمان دەنوێنین
گەورەو بچووک دەدوێنین
ئەم هۆنراوەیە کراوە بە گۆرانی لەلایەن بەشی ڕۆشنبیری منداڵانی چەمچەماڵ، لە وتنی هانۆ عەباس.
پەرتووکی #خەیاڵی کۆترەکان#
#فەرهاد ئەحمەد بەرزنجی# [1]