بۆ شێخ #ئیسماعیل بەرزنجی#
شیعرەکانت ھەورن
بیرەوەری تاڵیان لێدەبارێ.
بیرەوەرییەکانت شیعرن
حەرفی ئاگرین و
بارانی بزەیان لێدەبارێ.
گۆڕینەوەی تەسبێح و
پاڵتۆ و سعاتەکانت
گۆرانییە سریالییەکانت
قسەی ئەبستراکت و
دانیشتنەکانت پۆستن.
گێڕانەوەکانت
واقیعی سحرین
دڕدۆنگیی و ترسەکانت بۆ ئارامییە
تاقەتی چەرەزاتی باڵکۆن و
پیاسەی پارکت نەماوە
جگەرەی مالبۆرۆ و
چارێگێک ئۆزۆ
دوا چەکی مانەوەی ئێوارانتن.
ناوی نووسەر: #باهۆز مستەفا# [1]