Navê pirtûkê: Dîwana Şêx Muşerrefê Xinûkî
Navê nivîskar: Dr. #Nesim SÖNMEZ#
Cihê çapkirina pirtûkê: Amed
Navê çapxaneyê: Seyda
Sala çapê: 2018

Di vî welatê kevnare da gelek helbestvanên Kurd, di warê edebiyatê da bi zimanê dayîka xwe berhem dane. Şa‘irên Kurdan, ji ber ku perçeyek ji şaristaniya Îslamê ne, wan jî li
gorî kevneşopiya bisilmanan eşqa îlahî û evîndarî di berhemên xwe da bi zimanekî şirîn û bi şêwazeke nerm hûnandine.
Şêx Muşerrefê Xinûkî jî yek ji alim û şa‘irên qada vê çandê ye û ew bi avdana medreseyên Kurdan perwerde bûye, bi berhemên xwe derdora xwe ronî kiriye. Wî, bi helbestên xwe jî gel hînî eşqa Xwedê û hezkirina ji mexlûqan kiriye; aramîbûn, bêqîmetiya dinyayê û girîngiya dostaniyê jî bi şêwaza xwe ya taybet û bi helbestên xwe yên herikbar nivîsandiye. Xinûkî bi zimanê gel gotinên xwe yên watedar gotine û xwestiye peyamên xwe li gorî hestên xwe bigihîne ehlê dilan.[1]