ساڵی 1945 لە شاری #کرماشان# لە دایک بووە و تا پۆلی پێنجی سەرەتایی لە شاری #ئیلام# ژیاوە و سەرەتایی کاری مووزیکی هەر لەو شارە دەست پێکردووە. وەکی میرزادە بۆ خۆی دەڵێ: ئەو یەکەم کەس بووە کە لە شاری ئیلام غیرەتی منداڵان و گەنجانی شکاندووە بۆ ئەوەی مۆسیقا بژەنێ. مامۆستا مۆجتەبا میرزادە هەر لەسەرەتای منداڵییەوە بە کەڵک وەرگرتن لە کەرەستەی دەوروبەری وەک کاسە و کەوچک و دواتریش بە کەڵک وەرگرتن لە ئامێری فلووت و سەنتوور بە بێ مامۆستا توانی موزیکێکی سەرتایی فێربێت و لە کلاسی شەشەمی سەرەتایی لەگەڵ بنەماڵەکەی دەگەرێتەوە کرماشان. باوکی ناوبراو بەهۆی سەیی بوونییەوە ڕازی نە بوو کە کورەکەی وەدوای کاری مووزیک کەوێ بەڵام پێداگری و تکای یەکێک لە دۆستانی باوکی، باوکی ڕازی دەکات ڤیۆڵۆنێک بۆ موجتەبا بکرێت. موجتەبای وریا و شەیدای مووزیک بە ورەیەکی بێ هاوتا شە و و ڕۆژ خەریکی پروڤە دەبێت و لە ساڵی 1959 دەچێتە ڕادوێ #سنە# و لە وێ لەگەڵ ئورکێستری ڕادوێ بە سەرپرشتی مامۆستا #حەسەن کامکار# بە ماوەی سالێک دەمێنێتەوە و چەندین بەرهەم تومار دەکەن. ساڵی 1960 دەگەرێتەوە شاری کرماشان و لە تەمەنی 15 ساڵیدا دەچێتە ڕادوێ کرماشان و وەک مۆسیقارێکی کەم تەمەن بەڵام بە توانا سەدان بەرهەمی بەنرخ و ماندگار بۆ گۆرانی بێژانی کورد تۆمار دەکا و نموونەی بەرچاوی ئەم چالاکیانەش گۆرانیەکانی #حەسەن زیرەک# و #مەزهەری خالقی# و چەندین گۆرانی بێژی ترە. لە پاش ئەوەی کە بە پیلانی چەند کورد فرۆشێک و زەختی #ساواک# حەسەن زیرەک لە ڕادوێ دەر دەکەن مامۆستا میرزادەش لەوێ دڵخۆشی نامێنێ و بۆ درێژەدانی خوێندن و دەوڵەمەندکردنی ئەزموونی هونەری ڕوودەکاتە شاری تاران و لە ماوەیەکی کەمدا توانی جێگەیەکی بەرز بۆ خۆی دەستەبەر بکات هەموو بەرهەمە فارسییەکان جێگە پەنجەی هونەری ئەوی پێوە دیارە. میرزادە جگە لەوەی بۆ گۆرانی بێژانی ناوداری کورد و فارس مۆسیقای ژەنیوە زوربەی بەرهەمە فارسی و کوردییەکانیش هەر خۆی تەنزیم و ئامادەی کردووە. نابراو جیا لەوەی کە لە ژەنینی مۆسیقدا ستایلێکی تایبەت بە خۆی هەیە چەندین ئامێری وەک ڤیوڵۆن - کەمانچە - سێ تار - چەلۆ بە شێوەیەکی مامۆستایانە و لە ئاستێکی بەرز دەزانی. شایەنی باسە جیا لەو خاڵانەی ئاماژەی پێدرا سەرپەرەشتی چەندین تیپی مووزیکی بە ناوبانگی لە ئەستۆ بووە لە چەندین وڵاتدا کۆنسێرتی کردووە و بۆ 90 فیلمی سینەمایی مووزیک مەتنی داناوە کە تەنیا ناوی 35 فیلم بەر دەستە. میرزادە ئاهەنگساز و مۆسیقا ژەنێکی نموونە و مامۆستایەکی بە ئەزموون بوو کە لە مێژووی مووزیکی خۆرهەلاتی ناوەڕاستدا هاوتای پەیدا نابێت و شاهێدی ئەم ئیدعایش بەرهەمەکان و ستایلی هونەری ناوبراوە. لە کاتێکدا کورد هەموو وەخت زیاتر پێویستی بەم جورە بلیمەتانەیە بە داخەوە لە #26-04-2005# مامۆستا میرزادە دڵە پڕ لە مێلۆدیەکەی بۆ هەمیشە لە لێدان کەوت و بە کۆچی دوای ئەم بلیمەتە هونەری کوردی تووشی خەسارێکی گەورە هات و بە داخەوە کورد و دەسەڵاتی کورد نەیتوانی لە بەرهەمی هونەری و لە ئەزموونی تایبەتی ئەم سوارە چاکە لە زانکۆکانی کوردستان کەڵک وەربگرێت. لیستی ئەو گۆرانی بێژە کورد و فارسانەی کە میرزادە موزیکی بۆ ئامادە کردوون یان موزیکی بۆ ژەندون، شایەنی باسە ناوی ئەم گۆرانی بێژانەی خوارە وە کوورتەیەک لە چالاکیەتۆمار کراووە کانی مامۆستا میرزادە یە وەکی بۆ خۆی ئاماژەی پێکردووە و دەلێ: (لەنێوان ساڵی 1968 تاوە کوو ساڵی 1978 هیج گۆرانی بێژێک لە ناو فارسەکاندا نە ماوە کە من موزیکم بۆ نەژەندبێ یان موزیکم بۆ ئامادە نە کردبێ) کە واتە زۆر بەر هەمی میرزادە هێشتا برزە و ناوی زۆر گۆرانی بێژی تر ماوە کە ناوبراو موزیکی بۆ ژەندوون و دەبێ هەوڵ بدرێ ئەو ناوانەش کۆکرێتەوە بخرێتە سەر ئەرشیفی چالاکییەکانی مامۆستا میرزادە. =KTML_Photo_Begin=https://www.kurdipedia.org/files/relatedfiles/2008/449/0012.JPG=KTML_Photo_Alt=موجتەبا میرزادە=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/449/0012.JPG=KTML_Photo_End=
گۆرانی بێژە فارسەکان: هایدە، مەهەستی، گوگوش، شەجەریان، ئەفسەر شەهیدی، عەهدیە، تاجیک، حومەیرا، مۆعین، ئومید، لەیلافروهەر، ئیرەج حاجی ئەمیری، هومایون کازمی، عەلی ڕەزا ئیفخاری، ئیرەج مەهدیان، گوڵپا، شەکیلا، پەروا، فەرزین، سوسەن، ئاغاسی، دەیان کەسی تر. گۆرانی بێژە کوردکان: حەسەن زیرەک، ماملێ، خەلیل سددیقی، ڕەزاسەققایی، عەزیز شاروخ، مورتەزا توندرەو، ئیبراهیم خۆشنەوا، مەزهەری خالقی، حسێن شەریفی، جەمشید عەزیزخانی، سەید محەمەدسەفایی و چەندین کەسی تر. لیست وناوی هە ندێ لە وفیلمە سینە ماییانە ی کە (مامۆستا میرزاده) موزیک مە تنی بۆ داناون تێبینی:مامۆستا میرزادە موزیکی مە تنی بۆ نزیکە ی 90 فیلمی سینە مایی و بە ڕنامە ی تە لە فزیۆنی داناوه.کە یە کە م کاری موزیکی بۆ فیلمی سینەمایی دۆرۆشکە چی دا ناوه. گل ها و گلولە ها (1370) درشکە چي (1350) مسافران مهتاب (1366) مدرک جرم (1364) حماسە مهران (1363) تفنگدار (1362) خانە عنکبوت (1362) جايزە (1361) دادا (1361) قرنطينە (1361) اعدامي (1359) پنجمين سوارسرنوشت (1359) بن بست (1357) زن و زمين-خوش غيرت (1357) صمد در بە در مي شود (1357) نفس بريدە (1357) جاي امن (1356) در امتداد شب (1356) صمد در ڕاە اژدها (1356) ميراث (1355) صمد خوشبخت مي شود (1354) علي کنکوري (1352) عيالوار (1352) حکيم باشي (قيامت عشق) (1352) تختخواب سە نفرە (1351) 1351) خانە قمرخانم (1351) صمد و سامي، ليلا و لي لي (1351) مردي در طوفان (1351) شاطر عباس (1350) صمد و قاليچە حضرت سليمان (1350) عزيز قرقي (1350) عمو يادگار (1350) لوطي (1350) محلل (1350) کافی شو (بە ڕنامە ی تە لە فزیۆنی) .
نووسینی: مامۆستا عەلی عابدی