$باشووری کوردستان$
- ئۆپەراسیۆنی ئازادکردنەوەی شارەدێی #جەلەولا# لەلایەن هێزی پێشمەرگەی کوردستانەوە دەستی پێکرد و شارۆچکەکە ڕزگارکرا. لەم شەڕانەدا 20 پێشمەرگە شەهید و دەیانیش برینداربوون.
- سوپای ئێراق و هێزە چەکدارە شیعەکان شارەدێی سەعدیەیان بەیەکجاری کۆنتڕۆڵکرد.
- لەسەر ئەرکی قاوەخانەی کلتوری پزیشک و ڕەخنەگر و نووسەر و ڕۆمان نووسی میسری و داکۆکی کار لەمافی مرۆڤ بەگشتی و مافی ئافرەت بەتایبەتی (نەوال سەعداوی) گەیشتە شاری #سلێمانی# و لەلایەن چالاکوانان و کەسایەتی سیاسی و ڕۆژنامەنووسانەوە لە هۆتێلی شاری جوان پێشوازی لێکرا.
- بەهۆی بازرگانی کردن لەگەڵ #داعش# و، بەقاچاغبردنی نەوت لە شاری #کەرکووک#، دادگای هەرێمی کوردستان چەند بەرپرسێکی سەربازی دەستگیر کرد.
- لە پڕۆسەی ڕزگار کردنی جەلەولا، نزیکەی 100 تەرمی داعش لە ناوچەکەدا بەجێماون کە پانزەیان لە ئاوی سیرواندا خنکابوون.
$رۆژئاوای کوردستان$
- خانمە هونەرمەندی بەناوبانگی کورد، هولیا ئاڤشار سەردانی کەمپی پەنابەرانی کۆبانێی کرد و گوێبیستی کێشەکانیان بوو و بە کوردی قسەی لەگەڵ کردن.