لە ڕۆژی #01-07-1943# لە گوندی #عەسکەر# لەدایکبووە، ڕۆژی 11-09-1961و لەسەرەتای #شۆڕشی ئەیلول# بووە بەپێشمەرگە، ئازاو گورج و گۆڵ و گوێڕایەڵ بووە، هاوکات کاری سیاسی کردووە و خەڵکی ناوچەکەیانی هانداوە بۆ پشتگیری و بەشداریکردن لە شۆڕش، لەو ڕووەشەوە جێدەستی دیاربووە، تا #نسکۆ#ی ئەو شۆڕشە بەردەوام بووە و بەشداری چەندین نەبەردی و داستانی کردووە. دوای نسکۆ پەیوەندی بە #کۆمەڵەی ڕەنجدەرانی کوردستان#ەوە کردووە و لە ساڵی 1978 بووەتە پێشمەرگەی شۆڕشی نوێ. ئەم جارە بەگوڕو تینێکی زێدەترو بەئەزموونی ڕابردوویەوە لە دژی داگیرکەر جەنگیوە و ئازای ڕۆژە ڕەشەکان بووە.
بەهەوڵی خۆی، بەگیانبازی و هەقی خۆی پلەکانی پێشمەرگایەتی لەفەرماندەی مەفرەزەوە تا فەرماندەی تیپ (سەرتیپ) بڕیوە، لەجێگۆڕکێی ئەرکەکاندا، کراوەتە فەرماندەی تیپەکانی #23ی سوورداش# و #99ی بیتوێن#، لەنەبەردییەکاندا پێنج جار بریندارکراوە. لە #ئەنفال#دا دانەبڕاوە و بەشداری ڕاپەڕینی 1991ی کردووە لەکەسە بەکەمینەکان بووە کە لەو ڕاپەڕینەدا چووەتە ناوشاری #کەرکووک# و ڕۆڵی فەرماندەیی کردن و ئازایانەی گێڕاوە لە ئازادکردنی ئەوشارەدا. ساڵی 1996 بەشداری خولی ئەفسەرانی لە کۆلێژی سەربازی #قەلاچوالان# کردووە و بووەتە ئەفسەر.
دواپلەشی لیوا و کارگێڕی فەرماندەیی گشتیی (ه.پ.ک) بووە.
لەئەنفالدا هاوسەر و چەندین جگەرگۆشە و برازا و کەسوکاری شوێن بزرو شەهیدکراون، بۆخۆیشی لە ڕۆژی #05-09-2007# کۆچی دوایی کرد و لە گۆڕستانی گوندی عەسکەر ی زێدی لەدایکبوونی، بەخاک سپێردرا.