ناو: مەهاباد
نازناو: قەرەداغی
ڕۆژی لەدایکبوون: 22-01-1966
ڕۆژی کۆچی دوایی: 09-10-2020
=KTML_Bold=چەند وێستگەیەکی گرنگی ژیانی #مەهاباد# قەرەداغی=KTML_End=
لە #22-01-1966# لە ساڵیادی دامەزراندی کۆماری کوردستان لە شارۆچکەی #کفری# کە سەر بە پارێزگای #کەرکووک#ی باشووری کوردستان بووە، لە دایکبووە هەر بۆیە ناونراوە مەهاباد.
ساڵی 1978 لە تەمەنی 12 ساڵییەوە دەستی بە نووسینی شیعر کردووە.
لە ئاداری ساڵی 1980 یەکەمین بەرهەمی شیعری لە هەفتەنامەی هاوکاری بڵاوکراوەتەوە.
لە 27ی نیسانی ساڵی 1980 لەلایەن ڕژێمی #بەعس#ی ئێراقەوە لە سۆنگەی شیعری بەرگری زیندانی دەکرێت. لە ئەشکەنجەخانەکانی ئەمنی کفرییەوە بۆ بەعقوبە و لەوێشەوە بۆ زەعفەرانییە و دواتر بۆ ئەمنی عامەی بەغدا دەگوێزرێتەوە.
ساڵی 1981 لە دادگای سەورە لە بەغدا حوکمی ساڵێک زیندانی بەسەردا دەدرێت.
ساڵی 1982 لە ڕێکخستنە نهێنییەکانی کۆمەڵەی ڕەنجدەرانی کوردستان درێژە بە تێکۆشانی سیاسی دەدات. لە ڕۆژنامە و گۆڤارەکانی ناو شاردا بە ناوی مەهاباد قەرەداغی شیعر و نووسینەکانی بڵاو دەکاتەوە، لە گۆڤارەکانی شاخیش بە ناوی خوازراوی هەتاو #گەرمیان#ی، ژاڵە، بەردەوام، ئاڵا و هتد.=KTML_Photo_Begin=https://www.kurdipedia.org/files/relatedfiles/2009/2149/0023.JPG=KTML_Photo_Alt=مەهاباد قەرەداغی=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2009/2149/0023.JPG=KTML_Photo_End=
ساڵی 1984 لە پەیمانگای هونەری کەرکووک، بەشی ژمێریاری وەردەگیرێت و لە ساڵی 1987 تەواوی دەکات.
ساڵی 1985 یەکەمین کۆڕی شیعری لە #هەولێر# و #سلێمانی# پێشکەش دەکات و بۆ یەکەمین جار لە تەلەفیزیۆنی کوردی کەرکووک چاوپێکەوتنێکی ئەدەبی لەگەڵ دەکرێت.
ساڵی 1991 بەشداری کارا لە ڕاپەڕین و کۆڕەودا دەکات. یەکەمین مژدەی ئازادکردنی شاری کفری لە 10ی ئازاردا بە بڵندگۆ دەدا بە گوێی خەڵکی شارەکە.
ساڵی 1991 لە کۆنگرەی ڕاپەڕیندا دەبیتە ئەندامی یەکێتیی نووسەرانی کورد.
ساڵی 1992 لەگەڵ مستەفا گەرمیانی شاعیر و نووسەر هاوسەرگیری دەکات.
ساڵی 1993 ڕوو لە سوید دەکات و لەوێ نیشتەجێ دەبێت.
ساڵی 1994 دەست بە چاپکردنی بەرهەمەکانی دەکات کە چەندین پەرتووکی شیعر و چیرۆک و لێکۆڵینەوە و ڕۆمان بوون و لە سەردەمی بەعسدا لەبەر سانسۆر ڕێگای چاپکردنیان نەدەدان.
ساڵی 1998 بەرنامەی پانۆراما لە تەلەفیزیۆنی میدیا ئامادە و پێشکەش دەکات.
لە یەکی حوزەیرانی ساڵی 1999 کچە تاقانەکەی شاکار لە دایک دەبێت.
ساڵی 2001 لەگەڵ دوو خانمی تردا (شنە هیدایەتی و مونیرە موفتیزادە) ، ڕێکخراوی پڕۆژەی ژنی کورد دادەمەزرێنن و داخوازینامەی ژنی کورد بەرهەم دەهێنن و چەندین کۆنفرانسی نەتەوەیی و نێونەتەوەیی بۆ دەگرن کە سەرەتا و ڕاگەیاندنەکەی لە هۆڵیکی پەڕڵەمانی بەریتانیا دەبێت.
ساڵی 2003 دەبیتە ئەندامی یەکیتی نووسەرانی سوید.
ساڵی 2004 لە باڵەخانەی پەڕڵەمانی کوردستان کۆنفرانسی 'داخوازینامەی ژنی کورد' ساز دەکەن و داخوازینامەکە پێشکەش بە پەڕڵەمان و حکومەتی هەرێمی کوردستان دەکریت.
ساڵی 2004 کۆلێژی پەروەردەی زانکۆی ستۆکهۆڵم تەواو دەکات، لێکۆڵینەوەکەی دەربارەی دەروونناسی پەروەردە دەبیت لەژێر ناویزمان، ڕامان و ناسنامە'.
ساڵی 2005 لەسەر داخوازی سەرۆک وەزیرانی ئەو کاتە (#نێچیرڤان بارزانی#) دەگەڕیتەوە کوردستان و دەبیتە ڕاوێژکاری سەرۆک وەزیران بۆ کاروباری ئافرەتان و یەکسانی. بە پڕۆژەی سیاسەتی یەکسانی و دامەزراندنی دەزگای یەکسانی لە ئەنجوومەنی وەزیران دەست بە کار دەبێت.
ساڵی 2008 دەبێتە ئەندامی لیژنەی باڵای هەموارکردنی یاسای باری کەسێتی بە بڕیاری سەرۆکی ئەنجوومەنی وەزیران.
ساڵی 2010 دەبێتە ئەندامی دەستەی باڵای یەکێتی نووسەرانی کورد.
ساڵی 2012 دەبیتە بەڕێوەبەری پەیمانگای یەکێتی ئافرەتانی کوردستان بۆ پرسە کۆمەڵایەتییەکان.
ساڵی 2013 دەست بە پڕۆژەی گۆڤاری هزری وەرزی شیکار دەکات و لە هەمان پەیمانگا ژمارە سفری لە 25 ی نۆڤەمبەردا چاپ و بڵاو دەبێتەوە.
ساڵی 2013 بەشی ئینگلیزی لە کۆلێژی پەروەردەی زانکۆی سابیس تەواو دەکات.
ساڵی 2018 دەبیتە ئەندامی دەستەی ڕێکخراوە جەماوەری و پیشەییەکانی #پارتی دیموکراتی کوردستان#.
ساڵی 1991 تا 2019 ژمارەی بەرهەمە چاپکراوەکانی دەگاتە 34، کە بریتین لە کۆمەڵە شیعر، کۆمەڵە چیرۆک، ڕۆمان، بیرەوەری، لێکۆڵینەوەی کۆمەڵناسی و دەروونناسی، وەرغێران و پەرتووکی پەروەردەیی.
نووسەر جگە لە زمانی زگماک کە کوردییە، زمانەکانی عەرەبی، سویدی، ئینگلیزی و تورکی و تا ڕادەیەکیش فارسی دەزانێت.
=KTML_Bold=بەرهەمە چاپکراوەکانی مەهاباد قەرەداغی=KTML_End=:
=KTML_Bold=ژانەری شیعر=KTML_End=:
-نەخشەی دواڕۆژ-1991 کوردستان
-پانۆراما-1993 سوید
-شاخ کێڵگەی گەنمەشامییە/ 1994 سوید
-میدالیا/ 1995 سوید
-هاژەی ڕۆح- 1997 کوردستان
-باڵندە بەفرەکان/ بە زمانی سویدی/ 1998 سوید
-دیوانی مەهاباد قەرەداغی/ 2013 کوردستان.
=KTML_Bold=ژانەری چیرۆک، ڕۆمان و بیرەوەری:=KTML_End=:
-کۆچ/ ڕۆمان/ 1993 سوید
-#ئەڤین ئاوی ژیانە#/ ڕۆمانە شیعر/ 1996 سوید و کوردستان
-مەرگی مرۆڤ و نیوێک/ کوورتە چیرۆک/ 2004 کوردستان.
-ساڵێک لە دۆزەخ/ بیرەوەری زیندان/ 2005 کوردستان.
-چلچرا/ بیرەوەری/ 2006 / کوردستان.
-زەنگدانەوە/ ڕۆمان/ 2007/ کوردستان.
-#لەتێ پیاو#/ کوورتەچیرۆک/ 2012/ کوردستان.
-فاتیلا/ ڕۆمان/ 2017/ کوردستان.
=KTML_Bold=ژانەری لێکۆڵینەوە=KTML_End=:
-لەپێناوی ژیانەوەی ئافرەتدا/ 1994 سوید.
-ئازادکردنی مێژوو/ 2002/ سوید و کوردستان.
-شەرەفنامە، شەرف کۆدێکە بۆ کۆیلەکردنی ژن/ 2003 سوید و کوردستان.
-زمان، ڕامان و ناسنامە/ 2005 کوردستان
-کارەساتی ئەنفال، کاریگەرییە دەروونی و کۆمەڵایەتییەکانی/ 2003 سوید.
-ژن و کۆمەڵگە لە قۆناغی باڵندەیی شێرکۆ بێکەسدا / 2004 کوردستان.
-وشەباران/ دیداری ڕۆژنامەوانی/ 2011/ کوردستان
-لە فێمینیزمەوە تا هیومانیزم/ 2013 کوردستان
-ئافرەتیزم، مێژووی سەدساڵ تێکۆشان بۆ مافی یەکسان لە باشووری کوردستان/ 2018 کوردستان.
=KTML_Bold=ژانەری وەرگێڕان=KTML_End=:
-شیعر هەناسەی گەردوونە/ هەڵبژاردەیەک لە شیعری هاوچەرخی جیهان/ 1995 سوید.
-دانپێدانانێکی پیاوانە/ هەڵبژاردەیەک لە چیرۆکەکانی د. نەوال سەعداوی/ 1996 سوید.
-نانی ژەهراوی/ شانۆنامە لە نووسینی ڤیسیلین هانچێڤ/ 1996 سوید.
-جینۆساید/ هۆلۆکۆست، کۆکوژی جووەکان لەلایەن ئەڵمانیای نازییەوە. نووسینی: ئارێل هوروتز. 2017 کوردستان.
-جینۆساید/ کۆمەڵکوژی لە خاکی هەزار گرددا، ڕواندا 1994. نووسینی بنیامین نیوبێرگەر. 2018 کوردستان.
-جینۆساید/ کۆمەڵکوژی ئەرمەنەکان، لە یادکراو و نکۆڵیلێکراو. نووسینی پڕۆفیسۆر یایر ئاورۆن. 2018 کوردستان.
-جینۆساید/ ڕامان لە وێنانەکراو، ڕووە تیۆرییەکانی لێکۆڵینەوە لە جینۆساید. نووسینی: یایر ئاورۆن. 2019 کوردستان.
=KTML_Bold=ژانەری پەرتووکی پەروەردەیی=KTML_End=:
-گەرمیان
-باوەگوڕگوڕ
-دیلان
پەرتووکی خوێندنەوە بۆ فێربوونی قوتابییانی کورد لە سوید.
مەهاباد قەرەداغی لە ڕۆژی هەینی ڕێکەوتی #09-10-2020# بە نەخۆشی کۆچی دوایی کرد.[1]