- سەرلەبەیانی ئەمڕۆ سەدان گەنجی کامپی شەهید #ڕۆستەم جودی# لە شارۆچکەی #مەخمور#ی سەر بە شاری #هەولێر# بە ڕێپێوان بەڕێکەوتن بەرەو شاری هەولێر، بە مەبەستی شەرمەزارکردنی گەلەکۆمەی نێودەوڵەتی 15ی شوبات لە بەرامبەر #عەبدوڵڵا ئۆجالان#، ڕێبەری #پارتی کرێکارانی کوردستان# (#پەکەکە#) و پاشان ڕێیان لێگیرا بچنە ناو هەولێرەوە.
- ناوەندی چاودێری سوریا بۆ مافەکانی مرۆڤ ڕایگەیاند، لە ماوەی شەش ڕۆژ بۆردوومانی شارۆچکەی باب لەلایەن تورکیاوە 61 هاوڵاتی کوژراون.[1]
- سێ سەربازی تورکیا لەمیانەی شەڕی نێوان سوپاو گەریلاکانی پەکەکە لە پارێزگاکانی هەتای و شرناخ کوژران.[2]
- بەریوەبەرایەتی ئاسایشی گشتی تورکیا ڕايگەیاند: لە ئۆپەراسیونێکی هاوبەش و هاوکات لە 37 شاردا لە دژی پەکەکە و کەجەکە 834 کەس دەستبەسەرکراون.[3]