ئەو هاوکارییانەی لە کاتی قەیرانی کۆرۆنادا گەیشتوونەتە دەست حکومەتی هەرێم بەم شێوەی خوارەوەیە:
یەکەم: کۆمەک (تبرعات)
تاکو ئێستا 20 مليۆن و 500 هەزار دۆلار کۆمەک خراوەتە سەر هەژماری ناوەندی ئەنجومەنی وەزيران، ئەم پارەیە بۆ کڕينی خۆراک ودەرمان تەرخان دەکرێ، دواتر بەسەر هەموو پارێزگاکانی هەرێم بە پێی ڕێژەی دانیشتووان دابەش دەکرێت.
دووەم: بەغدا 3 مليار و 500 ملیۆن ديناری ناردووە، ئەنجومەنی وەزیران نووسراوی کردووە بۆ #وەزارەتی دارایی# بۆ ئەوەی بەسەر پارێزگاکان دابەش بکرێت.
سێیەم: ڕێکخراوی WHO هيچ بڕە پارەیەکی کۆمەک نەکردووە، تەنها هەندێک ئامێر و کەرەستەی تەندروستی ڕادەستی وەزارەتی تەندروستی کردووە.
چوارەم: ئەنجومەنی وەزیرانی عێراق بڕياری داوه (600) مليار دينار بەسەر خەڵکی هەژار دابەش بکات، هەرێمی کوردستان بە فەرمی نووسراوی کردووە، بەڵام تاوەکو ئێستا هيچ بڕە پارەیەکی بۆ هەرێم نەناردووە.
فەرمانگەی میدیا و زانیاری
حکومەتی هەرێمی کوردستان
#16-04-2020#