دڵشاد کاوانی
ئەو کاتانەی لە گەڕەکی تەیراوە کە گەرما سوتێنەرەکەی گشت گیانی دەکردین بە ئاو و ئارەقە، ئێمە پێنج منداڵی هەتیوی هەژاری بێ باوک بووین هەمیشە چاومان لە دەستی دەرو دراوسێ بوو، یانزە مانگمان هەژماردەکرد بۆ هاتنی مانگی ڕەمەزان تا پورە پەتییە زەکات و سەرفترەمان بۆ کۆکاتەوە و بۆمان بێنێت و یەکەو دوو تفی خەستیش بکاتە نێوچاوانمان و بە زمانە شیرینەکەی بڵێ هەی دواتان بڕێ، دەڵێی کلۆنە، گڵحۆ و عاجباتین و سن و کیسەڵەن، بگرن پارەو سەرفتە، چونکە نەیدزانی بە باشی بڵێت سەرفترە. [1]