ناونیشانی بابەت: دۆزینەوەی کوپەیەکی گڵینە لە نزیک کۆیە
بە پێی ڕاگەیاندنێک لە پەیجی فەڕمی بەڕێوەبەرایەتی گشتی شوێنەوار و کەلەپووری کوردستان، ئەمڕۆ 05-01-2023 لە سنووری پارێزگای #هەولێر# کوپەیەکی مێژوویی دۆزراوەتەوە کە مێژووەکەی بۆ سەردەمی ساسانییەکان دەگەڕێتەوە.
$دەقی بڵاوکراوەکە$
دوای ئاگادارکردنەوەمان لەلایەن بەڕەوەبەرایەتی ئاساییشی ڕۆژهەلاتی هەولێر -#کۆیە#، کە لە یەکێک لە گوندەکانی سنووری شارۆچکەی کۆیە لەکاتی جووتکاری گۆزەیەک بەدەرکەوتووە. بەشی پشکنینی فەرمانگەی شوێنەوار و کەلەپووری کۆیە سەردانی شوێنی دیاری کراویان کرد و دەرکەوت دەکەوێتە پێگەیەکی شوێنەواری کە پێشتر لەلایەن فەرمانگەی ناوبراو تۆمار کراوه، لەڕێکەوتی 3-1-2023، لیژنەی پشکنین لەفەرمانگەی شوێنەوار و کەلەپووری کۆیە کارەکانی دەرهێنانی کوپەڵکەی دەست پێکرد لە 7:30 بەیانی تاکو 2:30 پاش نیوەڕۆ خایاند و بەسەلامەتی کوپەڵەکە دەرهێندرا. بەپێ ی لێکۆڵینەوە سەرەتاییەکان ئەم پارچە شوێنەوارە کە کوپەلەیەکی قەبارە گەورەی خەزنکردنی دانەوێڵەیە دوورییەکانی
(بەرزی 80سم، تیرەی 70سم، تیرەی دەرچە 25سم) ە و مێژووەکەی دەگەڕێتەوە سەردەمی #ساسانییەکان# (224-636) زاینی، بەڕێوەبەرایەتی گشتی شوێنەوار و کەلەپوور سوپاس پێزانین ئاڕاستەی بنکەی ئاساییشی سنووری گوندەکە و هاووڵاتیانی ناوچەکە دەکات هیوادارین نموونەیان زۆربێت.[1]