تیپی تۆپی پێی تازەپێگەیشتووانی یانەی وەرزشی پێشمەرگە سێیەم یاریان لە قۆناغی یەکەمی خولی تۆپی پێی تازەپێگەیشتووانی یانەکانی کوردستان ئەنجام دەدەن و دەبنە میوانی تازەپێگەیشتووانی یانەی شۆڕیجە.
بڕیارە کاتژمێر 4:00 خولەکی ئێوارەی ڕۆژی شەممە #02-09-2023# و بە ئەنجام دانی هەشت یاری جەولەی سێیەم لە قۆناغی یەکەمی خولی تۆپی پێی تازەپێگەیشتووانی یانەکانی کوردستان بەڕێوە بچێت و تێیداو لە شاری کەرکووک و لەسەر یاریگەی یانەی شۆڕیجە، تازەپێگەیشتووانی هەردوو یانەکانی شۆڕیجە و پێشمەرگە ڕووبەڕووی یەک دەبنەوە.
تازەپێگەیشتووانی یانەی پێشمەرگە لە دوو یاری ڕابردووی توانی دوو سەرکەوتنی گرنگ دەستەبەر بکات و خاوەن شەش خاڵە و ئەمە و بۆ ئەو یاریەشی بە هەمان هێزەوە دەچێتەوە یاریگە و دەیانەوێت 3 خاڵی گرنگی دیکە کۆبکەنەوە و بیخەنە سەر کۆی خاڵەکانیان.
[1]