نامۍ: مەئمون بەگ
نازنام: ئەردەڵانی
نامۊ تاتەی: یەکە بەگ

$ژیواینامە$
مەئمون بەگی دوەم، کوڕو یەکە بەگی، یاڼزەهەمین میرو ئەردەڵانەکا.دمای تاتەیش لوا سەرو تەختو دەسەڵاتی، ماوەو چل و دوۍ ساڵۍ فەرمانداریش کەرد.
سوڵتان سڵېمان خانو عوسمانی لەشکەرێ گۆرەش کېیاست پەی داگیرکەدەی کوردەسانی، دۆر و بەرو شارەزووریەنە مەئموون بەگو دوەمو ئەردەڵانی بە وېشو چوار هەزار چەکدارۍ پۊشتە و پەرداخېوە وەردەمشا چەنە گېرتۍ.
ڕۊ دوەشەممەی، هەشتو زیلقەعدەی، ساڵەو (944 ک) هەر دوە لەشکەر لوێ گژۍ یۊیرەو جەنگ دەسش پەنەکەرد.
لەشکەرو عوسمانیەکا ویس هەزار نەفەرۍ بېنۍ، تاکو وېرەکا جەنگ بەردەوامبی، ژمارێ فرۍ جە هەر دوە سوپاکەی کوشیێ، پەی شەوەکېش مەئموون بەگ چەنی سوپاکېش لوێنە دلۍ قەڵاو زەڵمی، یاگۍ وېشا قاییمە کەردە، لەشکەرو عوسمانیەکا تۊقە دێ، پەی یەک مانگی دلۍ قەڵاو زەڵمینە وەرگیریشان کەرد، سوپاو عوسمانی ڕاو ئاموشۊیش پەی دلۍ قەڵاکۍ بڕیە، بە خاترەو ڕزگارکەردەی خەڵکو دلۍ قەڵاکۍ، مەئمون بەگ چەنی چن کەسێ جە دەسەو دائېرە نزیکەکاش نیمەشەو دلۍ قەڵاکېنە زیێرەو بە پەلە وېشا یاونا ئەستەنبووڵ، پەی بارەگاو سوڵتانی عوسمانی، وەختێ یاوێ دلۍ بارەگاکەی قۊڵېشا بەستۍ و زیڼانەنە قاییمېشا کەردۍ.
ئەسعەد ڕەشید.[1]