لە شاری #هەولێر# و لەنێو بارەگەی یەکێتی ناوەندی تۆپی پێی کوردستان بە ئامادەبوونی سەرۆکی لیژنەی پێشبڕکێکان لە یەکێتی ناوبراو و نوێنەری 23 یانەی کوردستان، کۆبوونەوەی هونەری بۆ بەڕێوەچوونی یارییەکانی خولی تازەپێگەیشتوانی یانەکانی کوردستان بەڕێوەچوو.
له و کۆبوونەوەیەدا و دوایی ڕاگۆڕینەوە و خوێندنەوەی ڕێنماییەکانی خولەکە، یانەکانی بەشداری دابەشی سەر چوار کۆمەڵە کران و لە کۆمەڵەی یەکەم 6 یانە و لە کۆمەڵەی دووەم 5 یانە و لە کۆمەڵەکانی سێیەم و چوارەمدا 6 یانە یاری دەکەن، هەروەک دوایی جیاکردنەوەی یانەکان، تیپی تۆپی پێی تازەپێگەیشتوانی یانەی پێشمەرگە کەوتە کۆمەڵەی سێیەم و ڕووبەڕووی هەریەک لە یانەکانی ( شۆڕیجە، پێنجوێن، شێروانە، هەڵەبجەی شەهید و پیرەمەگرون ) دەبێتەوە.
[1]