ناونیشانی بابەت:خەونە ڕەنگاوڕەنگەکانی ھونەرمەند (ئاریا عەتی)
ئامادەکردنی: #سەوسەن سنەیی#
بە سپۆنسەریی دامەزراوەی میدیایی (کوردستان کڕۆنیکەل) ، ئێوارەی ڕۆژی دووشەممە #11-09-2023#، لە ھۆڵی میدیای شاری #ھەولێر#، ھونەرمەند (ئاریا عەتی) یەکەمین پیشانگای خۆی کردەوە.
لە پیشانگاکەدا، کە بینەرێکی زۆر ئامادە بوون، ھونەرمەند کۆمەڵێ تابلۆی ئەبستراکت و دەربڕین ئامێزی نمایش کردبوو، کە گوزارشتیان دەکرد لە خەونی ڕەنگاوڕەنگی مرۆڤی کورد، ھەربۆیە تەکنیک لە کارەکانیدا جێگای سەرنجی زۆری بینەرەکان بوو، بە بەکارھێنانی ڕەنگی فسفۆڕی لەسەر کانڤاس و ئامادەکردنی شێوەی ئەبستڕاکتی لەسەر جلی ژنان.
شایەنی باسە ھونەرمەند (ئاریا عەتی) یەکێکە لە ھونەرمەندانی ڕۆژاوای #کوردستان# و پیشانگاکەی ماوەی ھەفتەیەک بەردەوام دەبێت.[1]