تیمی تۆپی پێی تازەپێگەیشتووانی #یانەی وەرزشی پێشمەرگەی سلێمانی# بەشدار لە خولی پیشەگەرانی تازەپێگەیشتووانی یانەکانی ئێراق دووەم یاری خۆی لە دەرەوەی یاریگەکەی ئەنجام داو بووە میوانی تازەپێگەیشتووانی #یانەی وەرزشی زاخۆ#.
لەو یارییەدا کە لە کاتژمێر 3:00 ی پاش نیوەڕۆی ڕۆژی هەینی #15-03-2024# بەڕێوەچوو، دوای ڕکابەرییەکی بەهێز لەنێوان تازەپێگەیشتووانی هەردوو تیم دواجار بە گۆڵێک یەکسان بوون و هەر تیمەوە خاڵێکی پێبڕا.
جێگەی باسە تیمی تازەپێگەیشتووانی یانەی پێشمەرگە بۆ یەکەم وەرزە لەو خولە بە پێکهاتەیەکی نوێ وە بەشدارە و یاریزانەکانی لە فێرگەی یانەکە دیاری کراون و نوێنەرایەتی یانەکەیان، یانەی وەرزشی پێشمەرگە لە خولی پیشەگەرانی ئێراق دەکەن.[1]