لە ڕێکەوتی #17-07-2024#، لە #کتێبخانەی گشتیی سلێمانی#، سوپاس و پێزانین و ڕێزلێنانی بەڕێز وەزیری ڕۆشنبیری و لاوان و چەپکە گوڵی ڕێزلێنانی بەڕێوەبەرایەتی گشتی ڕۆشنبیری و هونەری سلێمانی پێشکەش بە چیرۆکنووس و نووسەری لاو #هێمن بەرزنجی# کرا لە پای ئەو بەرهەمە ئەدەبییە بەپێزانەی بەچاپی گەیاندووە و لەگەڵ ئەو خزمەتەی بە ئەدیب و نووسەرانی کردووە لەو ماوەیەی لە یەکێتی نووسەرانی کورد لقی سلێمانی کاری کردووە.
لە مەراسیمی ڕێزلێنانەکەدا، هەریەک لە (#محەمەد کوردۆ#) یاریدەدەری بەڕێوەبەری گشتی ڕۆشنبیری و هونەری سلێمانی و (#دەلیل جەمال#) بەڕێوەبەری نووسینگەی تایبەتیی بەڕێز وەزیری ڕۆشنبیری و لاوان و #ئالان ڕەئوف# بەڕێوەبەری کتێبخانەی گشتی سلێمانی و (ئەریوان سیوەیلی) بەڕێوەبەری بەڕێوەبەرایەتی چاپ و بڵاوکردنەوەی سلێمانی ئامادەبوون و دەست خۆشییان لێکرد و هیوای بەردەوامی و سەرکەوتنیان بۆ خواست. [1]