بەشی کاراتێی یانەی وەرزشی پێشمەرگە دوا چالاکی وەرزی 2023 ی بە ئەنجام دانی ڤێستیڤاڵێکی گەورە ئەنجام دا کە زیاتر لە 300 یاریزان تێیدا بەشدار بوون.
لەنێو هۆڵی شەهیدی ئەندازیار ئەحمەدی تایبەت بە یانەی وەرزشی پێشمەرگە و ئێوارەی ڕۆژی هەینی #22-12-2023# و بە ئامادەبوونی هەریەک لە بەڕێزان حاکم #مەحمود ئەحمەد موراد# جێگری سەرۆکی یانەی وەرزشی پێشمەرگە، (م. شێرزاد محەمەد حەسەن سکرتێری یانە، م. ئیبراهیم قاسم، ڕاوێژکاری وەرزشی سەرۆک و ئەندامانی دەستەی کارگێڕی، وسام محەمەد بازگ هەردوو خاتوون کەلسوم محەمەد و نەشمیل محەمەد)، بەشی کاراتێی یانەی وەرزشی پێشمەرگە دووەم ڤێستیڤاڵ و کۆتا چالاکی وەرزی 2023 ی بەڕێوەبرد کە تێیدا و سەرجەم یاریزانانی هۆڵەکانی کاراتێی یانەی وەرزشی پێشمەرگە تێیدا بەشداریان کردوو یارییەکانی تایبەت بوو بە هەردوو جۆری کاتا و کۆمێتە.
ئەمە و لەو ڤێستیڤاڵەدا جگەلە نمایشەکان بڕوانامەی پشتێن ڕەش بە 7 یاریزانی کاراتێی یانەکە دراو دواتر بە دابەش کردنی میدالیایی تایبەت بە یانەی وەرزشی پێشمەرگە و بڕوانامەی بەشداری کۆتایی بەو چالاکییە وەرزشییە فراوانە هات کە جەماوەرێکی وەرزشی بەرچاو تێیدا ئامادەی بوون.
[1]