ئێک ژ هۆزانڤانێن مللی یێن کوردە ناڤێ وی یێ دروست (نادر حبیب بریندار) ە و ب (نادرێ کانیسارکی) ناڤدارە، ل گوندێ کانیسارکێ ل دە ڤەرا بەرواری باڵا هاتیە سەر دونیایێ چ بەڵگە ل دور سالا ژ دایک بوونا ڤی هۆزانڤانی یا دروست نینە بەلێ ل دویڤ بوچونا چەندین نڤیسەرا ل سالا (1872 ز) یان نێزیکی ڤێ سالێ ژ دایک بوویە ول سالا (1948 ز) چوویە بەر دلوڤانیا خودێ و ل گوندێ کانیسارکێ هاتیە ڤەشارتن. هەرجەندە کانیسارکێ ژیانا خو ب هەژاری بوراندیە و کارێ وی شڤانی بو، و یێ دویر بو ژ تێکەلیا زانا و تورەڤانان و خاندن و نڤیسین نەدزانین و کاودانێن وی سەردەمی کارتێکرن ل سەر نادرێ کانیسارکی کریە وەک خەلکێ دی، کو ل سالا (1876 ز) ئیشا تاعونێ هاتبو کوردستانێ و ل سالا1879 ز خەلا پەیدا ببو و ل سالا (1882 ز) ئێشا خوریکا هاتبو، بەلێ سەرەرای هەمی کێماسی و نەخوشیان کانیسارکی شیا ب هزرو بیرێت خو ببیتە هۆزانڤانەکێ ناڤدار، و هەر ژ بجویکاتیا خو کەسەکێ تڕا نەکەر بۆ و رۆژ بو رۆژ بوویە بلبلێ سوحبەتا ب هۆزانێن فلکلوری و هۆزانێن خو یێن یەیتکینی تا رادەکی وەک نالبەندی هەر تشتەکێ گوە لێ ببو یان رویدانەک دیتبو پارچە هۆزانەک پێڤە د ڤەدهاند و چەندین تەوەر د هوزانێن خودا ڤەگرتن تا گەهشتیە ئەدەبێ بێ پەردە ژێ وەک ئەحمەدی نالبەند.
ژ هۆزانێن نادرێ کانیسارکی (بەیتا کێچێ و بەیتا کولندی و بەیتا شەیتانی و بەیتا مەدوێنە و بەیتا کەرێ سەید یا قویبی و گورگ و پەزێ میری و شەرێ تیارێ و بەیتا کولی و هرچ و ئورەیی و....هتد) و ژبەر سڤکاتی و ئاواز کێشێن خوش یێن ڤان بەیتان ب شیوەیەکێ سەیر سنور بەزاندینە و بلەز ل زۆر جهان بەڵاڤ بووینە.
ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 5,657 جار بینراوە
ڕای خۆت دەربارەی ئەم بابەتە بنووسە!