دواڕۆژ، بورهان یەحیا
رێڤەبەرێ گشتیێ پەروەردا پارێزگەها دهۆک ب وەکالەت ئاماژەی ب هندێ ددەت کو؛ "پار 42 قوتابخانەیێن سەرەتایی ل سنۆرێ پارێزگەها دهۆک بۆ سالا خواندنا ئێکێ خواندن تێدا ببوو ئینگلیزی لێ ئەڤ سالە ئەڤ هەژمارە گەهشتە 900 قوتابخانەیان".
عومەر عەلی تاها رێڤەبەرێ گشتیێ پەروەردا پارێزگەها دهۆک بۆ دواڕۆژ زەلالکر کو؛ "پار ل هەموو باغچەیێن زارۆیان وانە بووینە ئینگلیزی و بۆ ئەڤ سالە پترییا قوتابخانەیێن سەرەتایی بۆ سالا ئێکێ یا خواندنێ وانەیێن وان بووینە ئینگلیزی و رێژەیا پێدڤییا پرتووکان ژی بۆ ڤێ مەرەمێ هاتینە چاپکرن و رێژەیەک ژ پرتووکێن سالا چۆیی ژی دێ مفا ژێ هێنە وەرگرتن".
رێڤەبەرێ گشتیێ پەروەردا پارێزگەها دهۆک لدۆر پرۆسەیا بەلاڤکرنا پرتووکان ژی خویاکر کو؛ "رۆژانە رێژەیەکا پرتووکان دهێنە کۆگەهێن پەروەردەیێ ل سنۆرێ پارێزگەها دهۆک و هەر ئێکسەر دهێنە بەلاڤکرن، ئانکو پرۆسەیا بەلاڤکرنا پرتووکان بەردەوامە لێ چونکو هەموو پرتووک ب ئێکجار ژ وەزارەتێ بۆ دهۆک نەهاتینە ڤەگوهاستن لەوا رۆژانە پرتووک دگەهنە دهۆک و پاشی لسەر قوتابخانەیان دهێنە بەلاڤکرن".
بۆ ئەڤ سالە نێزیکی 490 هزار قوتابی ل پارێزگەها دهۆک دناڤ 1604 قوتابخانەیان دێ دەست ب خواندنێ کەن و نێزیکی 27737 مامۆستا لسه ر میلاکێ ریڤەبەییا گشتییا پەروەردا دهۆک دێ وانەیان ل ڤان قوتابخانەیان بێژن .
- 01-10-2016
ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 9,162 جار بینراوە
ڕای خۆت دەربارەی ئەم بابەتە بنووسە!