دوارۆژ، هانا چۆمانی
هێزەکانی هاوپەیمانان بەسەرۆکایەتی ئەمریکا، ئاماری هێرشەکانیان بۆ سەر چەکدارانی داعش لەسەرەتای دەستپێکردنی ئۆپەراسیۆنی ئازادکردنەوەی موسڵ بڵاوکردەوە، بەجۆرێک نزیکەی 200 ئۆتۆمبێلی جۆراو جۆر و 67 تونێڵ و 192 بنکە و بارگای چەکدارانی داعش و 112 تانک و زرێپۆشیان وێران کراون و تەقێنددراونەتەوە ".
بەپێی ڕاگەیاندراوێکی کونسوڵخانەی ئەمریکا لە هەولێر، کە کۆپیەکی بۆ دوارۆژ هاتووە، تیایدا ئاماری هێرشە ئامانجدارەکانی هاوپەیمانێتی دژی داعش بە سەرۆکایەتی ئەمریکا بەهاوکاری سوپای عێراق و هێزی پێشمەرگە و هێزە عێراقیەکان بۆ سەر داعش بڵاوکردەوە، بەپێی ئامارەکان زیاتر لە 600 هێرشی ئامانجداریان هەبووە، بۆ سەر بنکە و بارەگا و ئۆتۆمبێلەکانی داعش لەسەرتایی دەستپێکردنی ئۆپەراسیۆنی ئازاد کردنەوەی موسڵ".
بەپێی ڕاگەیاندراوەکە، ئامارەکان دەریدەخەن هێزەکانی هاوپەیمانان زیاتر لە 49 ئۆتۆمبێلی گەورەی بۆمبرێژکراویان تەقاندۆتەوە، هەروەها 67 تونێڵ و 150 هەمەر و ئۆتۆمبێلی سەربازی و 112 تانک و زرێپۆشی سەربازی تەقێندراوەنەتەوە، هەروەها 192 بنکە و بارەگا و شوێنی مانەوه و بارەگای سەربازی چەکدارانی داعش لە سنوری پارێزگای موسڵ خاپورکراون".
رۆژی 17 تشرینی یەکەمی 2016، حەیدەر عەبادی فەرماندەی گشتی هێزە چەکدارەکانی عێراق، ئۆپەراسیۆنی ئازادکردنەوەی موسڵی ڕاگەیاند، لە ئێستاشدا دوای تێپەڕ بوونی 66 ڕۆژ بەسەر ئۆپەراسیۆنەکە جگە لە ئازادکردنەوەی تەواوی دەشتی نیەنەوا لەدەستی چەکدارانی داعش، سوپای عێراق چۆتە ناو شاری موسڵ، لەکۆی 56 گەرەک توانیویانە 25 گەرەکی ئه و شارە ئازاد بکەن.
- 22-12-2016