بابەت: لێکۆڵینەوە
نووسینی: سەعید مامەندی
"لەو کتێبەدا نووسەر پڕژاوتە سەر مێژووی هۆزی گەورک لە کوردستانی ئێران کە لە شەش شاری، ورمێ، سەڵماس، سەردەشت، سەقز، مەهاباد و بۆکان بڵاو بوونەتەوە و لە زیاتر لە 200 گوندی ئەو ناوچانەدا نیشتەجێن.
هەروەها نووسەر لەو کتێبەدا باس لە هۆکاری بڵاو بوونەوەی ئەو هۆزە لە سێ وڵاتدا دەکات و دەڵێت: بە هۆی بڵاو بوونەوەی هۆزی گەوڕک بە سەر ئەو سێ وڵاتەدا، هەتاکوو ئێستا نەیانتوانیووە لە نێو خۆیاندا یەکگرتوو بن و یەکیەتیەک پێکبێن و لە ڕووداو و گۆڕانکارییە سیاسییەکاندا ڕۆڵێکی بەرچاو بگێڕن.
هۆزی گەوڕک یەکێک لە هۆزە گەورەکانی کوردستانە، کە لە سێ وڵاتی ئێران، عێراق و تورکیەدا بڵاو بوونەتەوە.
هۆزی گەوڕک بە یەکێک لە لقە گەورە و سەرکییەکانی هۆزی بڵباس دەژمێردرێ و بنج و بناوانی ئەو هۆزە بۆ شاری بەتلیس لە کوردستانی باکوور دەگەڕێتەوە."