دوای ئەو تەقینەوەیەی دوێنی لە یەکێک لە کێڵگە نەوتییەکانی شاری #کەرکووک# ڕویدا، بەرهەمهێنانی نەوتی کوردستان 60 هەزار بەرمیل کەمیکرد.
ئاژانسی هەواڵی (کل العراق) ئەمڕۆ سێشەممە (14)ی شوبات بڵاویکردۆتەوە بەهۆی تەقینەوەی عەمبارێکی نەوت لە کێڵگەی نەوتی #بای حەسەن# لە باکوری شاری کەرکووک کە بووە هۆی گیان لەدەستدانی سێ کەس و برینداربوونی حەوت کەسی دیکە، بەرهەمهێنانی نەوت 60 هەزار بەرمیل کەمیکرد.
راشیگەیاندوە، حکومەتی هەرێم لە ئێستادا ڕۆژانە نزیکەی 600 هەزار بەرمیل نەوت بەرهەمدەهێنێت، ئەمڕۆش دەستکراوەتەوە بەکاری چاکسازیی عەمبارەکە.
14-02-2017