بەرپرسێ نڤیسینگەها راگەهاندنا بابەشێخ مەزنێ ئایینی یێ ئێزدیێن جیهانێ خویاکر کو؛ کچەکا ئێزدی یا رەڤاندی کو هەتا نوکە نەهاتییە رزگارکرن ب رێکا تۆرێن جڤاکی ئەم ئاگەهدار کرینە کو ب رێکا وێنەیەکێ چەکدارەکێ #داعش# نیاسیە کو ل پێش چاڤێن وێ دەستدرێژی کرییە سەر خویشکا وێ و دەیک و بابێن وێ کوشتینە.
هادی بابەشێخ بەرپرسێ نڤیسینگەها راگەهاندنا بابەشێخ مەزنێ ئایینی یێ ئێزدیێن جیهانێ بۆ دواڕۆژ رۆهنکر کو؛ دەمەکێ ب رێکا تۆرێن جڤاکی پەیوەندییا مە دگەل کچەکا ئێزدی یا رەڤاندی ژلایێ چەکدارێن داعش هەیە کو هەتا نوکە نەهاتییە رزگارکرن و ب گۆرەی گۆتنێن وێ ل باژێڕێ رومادییە و بۆ دەمێ سێ سالانە جاددە نەدیتییە، لێ ب نهێنی موبایل و ئەنترنێت ب دەستخۆڤە ئینایە و دەما وێنەیێ سێ چەکدارێن داعش یێن ئێخسیرکری دبینیت ئێکسەر ئێک ژوان دنیاسیت کو ل شنگال دەستدرێژی کرییە سەر خویشکا وێ و بابێ وێ ژی کوشتییە.
ناڤبۆری دا دیارکرن کو؛ وێ کچێ وێنەیێ وی چەکدارێ داعش بۆ مە هنارت و داخواز کرییە ئەگەر بشێن و بەردەستێ وان بیت سکالەیێ سەر تۆمار بکەن و مە ژی سۆز دایە کو ئەگەر جهێ وی چەکداری بزانین ئێکسەر وەکو نڤیسینگەها بابە شێخی دێ سکالەیێ لسەر تۆمار کەین بۆ هندێ بگەهیتە سزایێ خۆ یێ عادیلانە.
هادی بابەشێخ ئاماژەکر کو؛ هەتا نوکە جهێ ڤێ کچا ئێزدی ب دروستاهی نەهاتییە زانین داکو بزاڤا رزگارکرنا وێ بهێتەکرن، چونکو یا هاتییە ترساندن کون ابیت ب چ رەنگەکی پەیوەندیێ ب دەرڤە و کەسوکارێن خۆ بکەت، لێ ب رێکا پەیداکرنا ڤی چەکدارێ داعش ئەگەر مابیتە ساخ و دادگەهکرنا وی دێ پیچەکێ ژ خەمێن ڤێ کچێ کێم کەین و بەلکی بشێین وێرەکیێ بۆ پەیدا کەین کو جهێ خۆ یێ دروست بزانیت و مە ئاگەهدار بکەت داکو ب رێکا هێزێن ئێمناهیێ وێ رزگار بکەین و بزڤرینە ناڤ کەسوکارێن وێ دا.
بەرپرسێ نڤیسینگەها راگەهاندنا بابەشێخ مەزنێ ئایینی یێ ئێزدیێن جیهانێ رۆهنکر کو؛ ئەگەر جهێ ڤی چەکداری بزانین دێ شێین ب رێکا دانپێدانێن وی خویشکا ڤێ کچا ئێزدی کو هەتا نوکە جهێ وێ ژی دیار نینە دیار بکەین و بەلکی هەر دوویان پێکڤە رزگار بکەین و ڤەگەرینینە ناڤ کەسوکارێن وان دا. [1]
01-09-2017
ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 4,952 جار بینراوە
ڕای خۆت دەربارەی ئەم بابەتە بنووسە!