دواڕۆژ، بیلال سەنگەری
سەرۆکی پیشەسازی و وزەی ئەنجوومەنی پارێزگای #سلێمانی# ئاشکرای دەکات، مانگانە زیاتر لە یەک هەزار و سەد تەنکەر #بەنزین# لە ڕێگەی دەروازەی نێودەوڵەتی #باشماخ#ەوە هاوردەدەکرێت، تەنها 40 لە سەدی بۆ پارێزگای سلێمانی و ئەوەی دەمێنێتەوە بۆ پارێزگای #هەولێر# و #دهۆک#ە.
غالب محەمەد، سەرۆکی لیژنەی پیشەسازیی و وزەی ئەنجومەنی پارێزگای سلێمانی ئەمڕۆ یەکشەممە 10 ی کانوونی یەکەم بە دواڕۆژی وت تاکە ڕێگەیەک کە لە ئێرانەوە بەنزینی لێوە هاوردەبکرێت، تەنها دەروازەی سنوری باشماخە و مانگانە زیاتر لە هەزار تەنکەر سوتەمەنی لەڕێگەی ئه و مەرزەوە هاوردەی هەرێمی کوردستان کراوه، کە 40 لەسەدی بۆ پارێزگای سلێمانییە 60 لەسەدی بۆ پارێزگای هەولێر و دهۆکه.
سەرۆکی پیشەسازی و وزەی ئەنجومەنی پارێزگای سلێمانی وتیشی ئه و بەنزینە کە لەئێرانەوە بە ترانزێت دێتە هەرێمی کوردستان نرخەکەی هەرزانترە بەراورد به و نرخەی لە تورکیاوە هاوردە دەکرێت، لەبەر ئه و هۆیەش 60 لەسەدی بۆ هەولێر و دهۆک ئەڕوات.
ئاماژەی بەوەشکرد، لە هەفتەی داهاتوودا وەک لیژنەکەمان سەردانی پارێزگار دەکەین بۆ گفتوگۆکردن لەسەر نرخ و کوالێتی سوتەمەنی بەگشتی و بەنزین بەتایبەتی.
دوای ئەوەی وەزارەتی سامانە سروشتییەکان بەبڕیارێک هەموو پاڵپشتییەکی هەڵگرت لەسەر سوتەمەنی، دەسەڵاتەکانی هاوردەکردنی سوتەمەنی ڕادەستی پارێزگاکانی هەرێم کرد کە ساڵانە ڕێژەیەکی زۆر سوتەمەنی بەگشتی و بەنزین بەتایبەتی لەوڵاتی ئێرانەوە هاوردە دەکرێت.[1]
#10-12-2017#